انا هو انا

انا هو انا مش بتحول و لا بتغير ... انا شوي ميه عذبه :) لو حطيتها في كباية عادية حرويك و بردة لو اتحطط في كباية فاخرة معمولة من فضة او دهب بردة حرويك ... قيمتي فيا مش فالحاجة اللي لبساها و لا الفلوس اللي في جيبي و لا الافعال اللي بعملها بضخمتها او بساطتها !! انا هو انا ..يمكن الكلام دة اتعلمتة و انا صغيرة و فضل يكبر معايا حبة حبة و انا بكبر ..بس علي قد ما انا عايشاه و بحاول اطبقة في حياتي و حعلمة لعيالي لما اكبر علي قد ما في حواليا ناس كتييير اوي بيهتموا بالمظاهر و الدهب و الفلوس و الزخرفة اللي بالفضة اللي علي الكباية !! في حين ان انا لو في كباية بلاستك ( اقصد ما حلتيش حاجة ) ( او بقيت قبيحة ) حفضل انا هو انا و قيمتي فيا مش في حاجة بعملها او بمتتلكها !! قيمتي في روحي مش في شكل و شوية لبس و فلوس ممكن بكرة اصحي مالقيش نفسي معايا منهم حاجة ! :)

انا مش عارفة الناس لما بيعدي بيها العمر مع بعض و تبتدي الخلافات و الظروف تخنق كل حاجة حلوة بنهم بيسبوها تخنقهم و بينسوا كل شئ كان بنهم و تنسي كل حاجة حلوة اتمنوا يعملوها و الحب لسة في بدايتة ليه ؟ و مش عارفة بردة كل اللي بنهم ازاااي بينتهي ..ازاي بينسي العشرة !! انا مش حستغرب .. كل حاجة بتتباع عادي !!و بتتنسي .. جت علي العشرة يعني !!

مش كل الاحاسيس ممكن تتوصف بشوية حروووف جنب بعض .. مش كل الاحاسييس ممكن تتقال خااالص حتي لو كانت الناس بارعة في الكتابة ... حتي لو الناس فعلا بتوصف و لا احسن رسام بكلماتها ... حتي لو كل الناس بتقرا الكلام و تقووول الله ازاااي وصفتي اللي انا حسااه كدة .. حتي لو قدرت اوصف ..في مشااعر و احسااس في عمق القلب دايما ما بتتوصفش :( دايما ناقصة !! لانها مش بتتقال .. بس بتتحسس !! :(

قريب دة و لا غريب ؟

حقولها كلمة :) أنا ما إلا راصدة للواقع :) في حاجات كدة يا جماعة ما ينفعش فيها نقول أرااااء و نتناقش و نتجادل و نقول يمكن و مايمكنش ... الحاجات دي ذي مثلا ان في قريبين منك و لا كأنهم أغراب بكرههم ... دة سعات كتير مش بيبقي إحساااس دة بيبقي واقع انت عايشة الناس دي مش مهمة فعلا بس دة واقع بيلفت نظرك و أكيد بياثر فيك و ماتقولش لا ... لأن لو مأثرش فيك تبقي فقدت أهم صفة فيك كانسان انك بتحس :) و لو ما حستش في الأغلب حتبقي حد معدوم المشاعر و المحبة و مافرقتش عنهم حاجة ... أما بقي اللي بيحبوك هم اللي فعلاا مش مهم انهم يلفتوا أنظارك لو ناس قريبين منك ... عارف ليه ؟؟ علشان دة طبيعي :)
ايوةة الطبيعي ان القريب يبقي بيحبك و تبقي مهم بالنسباله مش العكس .. و اللي أعرفة '' لا شكر علي واجب '' دي كلمة بقولها دايما... و الحب من القريب دة مش واجب كمان ... ده الطبيعي !! بس اللي يحس بقي :)
أناا مش باردة و لا عمر انعدام إنسانية اللي قدامي في يوم حتفقدني إنسانيتي :) آه من حقي إتاثر بكرهكم و ردود افعالكم الغير متوقعة من ناس قريبة :) بس ماشي أنا قوية بردة و بعرف أتاثر و أفضل قادرة أكمل و كان شيئا. لم يكن ...و بردة مش علشان انتم لا شيء.. لا أنا مش كذابة .... علشان أنا بس قوية كفاية .. اني أقول ان في ناس كتييييير أوي بتدخل حياتنا و ناس كتيييييير بردة بتطلع منها ... مافيش في دخولهم و لا خروجهم قاعدة بس القاعدة الوحيدة ان لازم بنتعلم :) و هو دة كل ما اطمح فيه :)

??

ازاي حد منغير حد يحس بالوحدة اوي كدة :( ازاي ممكن يحس حد انه ضيف في مكانة و يحس بالغربة !! و ازاي ممكن نلاقي فيي قلوب و احضان غيرنا الامان و الراحة !! ازاي ممكن تكون المشاعر محيرة بالدرجة دي !! ازاي ممكن مكاني يكون ليا غريب.. و مكانة هو راحتي و آماني !! ازاي ؟

هذا حقا عشق

لما حد يحب حد اوي اوي و ما يبقاش متخيل حياته منغيرة و بعد كدة الدنيا تبعدهم عن بعض .. و يفضل هو يتعذب لوحدة و يموت في اليوم بدل المرة الف مرة و اكتر .. و بعد وقت طويل الحد دة يرجع تاني .. و يبقي جوه قلب الشخص اللي حب اسأله كتيير و كلام و عتاااب امثااال انت كنت فين و ازاي تقبل تبعد كدة و ازاااي اهون علييك كدة و يبقي الطبيعي يقوله لا ما كنش يتعز و كفاية انك مشيت .. بس في لحظة ينسي كل العتاب و كل القسوة اللي كان بيقول جوة نفسة ان حيظهرها و ينسي كل كلمة رتب يقولها لو جمعتهم صدفة و يفتكر كلمة واحدة بس يقولها " انت وحشتني .. انا كنت محتجاااك " يبقي مافيش كلمة ممكن توصف حاله الشخص دة غير انه فعلا يعشق ♥

خرفنة الخرفااان

انا بقي اقولكم ايه اللي بيزيد الخرفان خرفنة :))
كمثال يعني ... لما ولد صغير يبقي بيكدب ... و مامته تقولة يا حبيبي كدة غلط و تعاقبة .. علشان يبطل كدب .. و بعد كدة يلاقي ابوه بيتفق معاه علشان يكدب علي مامته :) و بعدين الاب يكدب و يفلت بكدبتة و عملته اي كانت بقي الكدبة دي حتودي البيت علي فين ... و بعد شوية يلاقي ان الاب رغم كدبة بقي و عملته السو
دة هو اللي مسيطر في البيت و هو بردة اللي بيرعب البيت و رغم ان في المطلق الام هي اللي مكدوب عليها بس هي مش في ايدها حاجة ... طبيعي كطفل الموضوع حيترجم في دماغة ان بابا هو الصح .... و يبقي الولد بقي المشجع و المنضم الاساسي لفريق بابا .. اللي هو في الاصل مش اصح حاجة بالمنطلق العام ...
فطبيعي ان لما الاغبية الخرفان يروحوا يقولوا "نعم " و يبقوا ممكن من جواهم شاكيين شوية و يلاقوا النتيجة النهائية " نعم " فيقولوا جوه نفسهم ايوه احنا صح ... مع ان بقي يا جدعان النتيجة الحقيقية مش كدة ... ذي ان الاب مش صح و ان الست مش مكسورة الجناح و ساكته في الواقع هي كسرة عين الراجل بس الطفي مش فاهم !!! و تظل بقي الساسة دي موجودة في حياتنا ...
لنسميها حرب الخرفان و البشر :))

النهضة يا بلد

انا مش شايفة ان الناس عامة في بلدي ممكن ينهضوا !!! حتي بقي لو في مشروع نهض بحق و حقيقي !!!
لما الناس ماشية كلها في الشارع الشكمنات بتاعة عربيتها بتعمي البشر ... يبقي فين النهضة يا ابو النهضة ؟؟
لما الكورسات في الجامعة بتبدأ بعد ميعادها ب ساعة و ساعة و نص !! ممكن ننهض ازاي و الوقت مالوش قيمة في عقولنا !!!
لما النظام التعليمي ذي الزفت و الناس عايشة في مياه البطيخ !! حننهض توموتيكي يعني ؟؟
الناس فاكرة انها حتنهض لما تنتخب شخص معين من حزب معين او بيتبع جماعة معينة ... او لما يقول نعم للدستور .. ربنا حيرضي عليه .. فبلدة تنهض ..هنا بقي انا من حقي اقول لكل واحد بيفكر ان النهضة بتيجي كدة مش من حضرتك كشخص ... النهضة دي تبقي خالتك
كفاية بقي نقووول " ماجتش عليا انا يعني " لأ جت عليك يا خويا ! اعمل اللي عليك و مالكش دعوة بقي غيرك بيعمل و لا لأ .. علشان عايزة اقولك علي حاجة أكيدة مأكدة أو انا عن نفسي .. متأكدة منها جدا جدا ... أن بما ان مش متأكدة إذا كان ربنا حيسألك انت قولت للدستور آه و لا لأ بس اكيد حيقووولك انا أديتك بلد ليها حضار و تاريخ و خيرات و مميزات .. عملت للبلد دي ايه ؟؟ سرقتها ؟؟ و لا حافظت عليها ؟؟ لوثتها و لا اهتميت بيها ؟؟ حطيت مجهودك في انك تنميها و لا انك تأذيها ؟؟
دة انا متأكدة منه !! لو انت جواك حتي شك ان دة سؤال حقيقي ربنا حيسألهولك ... فكر ... مجرد التفكير في الكلام دة ممكن يغير اتجهاتك ... مجرد التفكير ممكن يغير كثير .. لأن ما أكثر الدول اللي في العالم و النظريات و الأحلام و الأنتصارت اللي حصلت في الدنيا كلها بمجرد فكرة ... او الاستمرار في التفكير في خاطرة !!

بالله عليكوا لا تفكروا بقي يا بشر !! :((

كلمات من فتاه مضايقة علي البلد دي اكتر ما مضايقة منها !!

سر المرايات

أنا الحقيقة بيحيرني أوي موضوع المرايات الكتير اللي في التاكسي.....اللي معروف و اللي بنسمعة كتير كنساء يعني من الرجالة '' هو انت طول التهار واقفة قدام المراية '' أو '' حتتهبلي من المراية اللي انت مش بتفرقيها '' أو '' المراية دي مرض الستات '' مع ان أصلا هم دائما عايزين البنت أو الست تبقي ذي البنات اللي بتطلع في التلفزيون و مش عايزنا نقف قدام المراية مش عارفة ازاي بجد ... طيب طبقا للكلام اللي قلته د
ة ان الرجالة مش بيحبوا المرايات خالص :))) ايه بقي سر المرايات المبدورة جوة كل تاكسي دي يا أستاذي السائق ... ها ؟ عايز ايه منها ؟؟ بتتاكد ان الميك آ ب بتاعك ما بظش مثلا ؟؟ و لا بتطمن علي رسمة حواجبك ذي ما هي من الصبح و لا أتغير فيها حاجة من الهوا و التراب و هز العربية ؟؟ و لا بقي بتطمن ان التراب ما سببلكش تجاعيد .!!! قولي بس ؟؟ افهم. وحياه أبوك يا شيخ لانت قايل ... آه ممكن تكون بتطمن ان الكحل اللي في عينك ماسحش !!
أصل في سر ... طبعا أنا بمنطور التحفز اللي جوة أي بنت من الرجالة و التحرش اللي بقي عمال علي بطال في شوارع البلد و وسائل مواصلاتها ... أقدر أفسر بعترت المرايات !! بس أنا مش حتكلم عن التفسير التحرشي اللي جوايا البنات أكيد فاهمة و أكيد الولاد عارفة .. أنا حتكلم و أتساءل عن مدي هذا الذكاء اللي مش موجود في الصناعة و الزراعة و ادارة هذة البلد !! دي بالظبط ان الولد بيستخدم ذكاءه في الغش مش في المذاكرة !! لكي الله يا بلدي !

كتير بيبقي عندنا حلم .. من كتر ما بنبقي فاكرينة مستحيل .. لما بيجي و يتحقق بناخد وقت علشان نستوعبة .. و ممكن نكون عايشين رجوع حلمنا لينا بس كل فترة كدة لما نقعد نفكر في الحلم دة أزاي اتحقق .. نحس ان قلبنا اصلا مش مدرك اللي حصل !! و لا مدرك اللي احنا فيه !! مع ان بقي كونة حلم يعني احنا عشناه قبل كدة في خيالنا .. لكن حتي الخيال مش بينصفنا !! بنبقي مخضوووضين .. او حاسين ان حلمنا اكبر من ان احنا نحققه :)) يمكن نكون مستكترينة علينا مش عارفة :) بس بعد كل التفكير دة بنصحي و بنأكد لنفسنا أن احنا اصلا عايشين الحلم دة و أنه مش حقيقة :) و بننهي التفكير الطويل دة بأبنسامة :) فيها فرحة الدنيا كلها :)

حقائق مشوهه

عندما تعرف أشياء لم تكن تعرفها ... و عندما تيقن أنها كانت حقيقة شوهوها و أوجعوك بها !! و الكارثة ان الذين فعلوا هذا كانوا يدمرون حياتك و يروك و انت تتمزق و تموت في اليوم ألف مرة بسبب عدم تصدقها لحقيقة شوهوها .... كان الصراع بين كلام قد سمعته بأذناها و إحسااس بداخلها يدلهاا إلي الحقيقة الغير مشوهه يخنقها و يخنق الحياة بداخلها ... و كانت الصدمة تجعلها كلوح من الثلج متجمد لا يستطيع ان يتحرك ... لا يستطيع ان يعيش ... لا يستطيع ان يفعل أي شيء ... سوي ان يعيش باقي حياته مصدوم ينتظر أما معجزة ... و أما القدر يخلصها من حياه الجليد التي طغت علي قلبها

قصة كان عنوانها الفراق

الفراق كان عنوان قصتهم ... عمرها ما فهمت ليه ؟؟ و هو عمرة ما استوعب اللي حصل .. كانت ذكرياتهم كلها سعيدة .. رغم الفراق الابتسامة عمرها ما فارقة وشوهم لما بيفتكروا اللي بنهم !! كانوا الناس بيلموها كتيير .. و كانوا الناس بيتهموها بالجنون !! هي كانت عارفة انهم عمرهم ما حيفهموا لانهم عمرهم ما عرفوه .. بس هي كانت مش مصدقة .. و رغم الحزن اللي جواها من كل الفراق و الآسي اللي شافته في بعده ..إلا ان الابتسامة فضلت عنوان الذكري ... أوقات كانت بتحاول تكرهه .. كانت بتحاول تنساه .. كانت بتحاول تدور جواها علي اي غلطة .. أي جرح بس عمرها ما عرفت تلاقي .. كان نفسها تبقي ذكرياتهم بالنسبالها عادي ..بس عمرها ما نجحت ..لدرجة انها زهقت من فشلها .. و صحابها ما بطلوش يلموها .. مابطلوش يسخروا من أحلامها .. و ما بطلتش تصعب علي اللي بيشوفها .. كانت الشفقة في عنيهم بتجرحها .. و كانت بتحاول تنسب الجرح دة لفراقهم و تشيلة اي غلطة تتسند عليها في محاولة نسيانها له .. لكن لا عمرها عرفت تصدق كلامهم و لا عمرها قدرت تبطل تحس .. و لا عمرها عرفت تشيلة غلطات غيرة .. و لا حتي قدرت في يوم تخليه ذكري وحشه ..فضل هو في المرتبة الاولي و فضلت هي تحاااول تأخر ترتيبه جواها .. و فضل قلبها و عقلها في صراع .. و الناس بتضغط عليها و هي وحيدة !! بين كل الافكار و الكلام و اللي حسااه ..فضلت وحيدة وسط كل الناس .. لانه ما كنش معاها !! و فضلت مستنيااه .. و لما رجع عرفت ان احسااسها هي كان صح .. و فهمها له كان أصح من فهم اي حد .. و لما رجع عرفت تقوول لكل اللي لموها انها كانت دايما الحق معاها .. و ان احساسها هو اللي كان الحقيقة و ان كل كلمة قالوها غلط و ان ايمانها كان اقوي من اي كلام ... و لما رجع قدرت تفهم ان هو دة و مش اي حد تاني ممكن يكون .. لان لما رجع كانت خايفة لا تكون حدوتة اتعلقت بيها و خلاص .. بس اكتشفت و كل يوم بتكتشف .. ان هي اللي بتفهمة و ان هو اللي بيفهمها و ان كل لحظة بتعدي عليهم مع بعض بتتأكد ان اللي بنهم عمرة ما يكون اتبني في كام سنة او كام شهر .. و انهم موجودين في الدنيا علشان تجمعهم الايام .. و مهما كانت فرقت بنهم الظروف..الايام حترجع تجمعهم تاني لانهم بمنتهي البساطة لبعض .. مهما حاول اي حد يفرق بنهم .. مهما كان اصحابها بيسخروا منها .. مهما هو شاف ان احلامهم مش مشروعة و مش حقهم .. مهما شاف ان الطريق كلة ضباب .. مهما الظروف ضاقت .. لان بمنتهي البساطة الدقيقة اللي بتجعهم دلوقتي بتعرفهم قيمة بعض :) بتقولهم ان انتوا لبعض ♥

العمل اضحوكة المصريين

الحقيقة في حاجة بقي مهمة جدا في مصر بتحصل ... أنا طبعا الموضوع كنت لاحظتة بس الحقيقة ان اللي قالي اكتب عليه صديقة مش أنا اللي من جوايا قررت اني اكتب عليه !
الصراحة البطالة و قلة الشغل في مصر شيء مرعب و منتشر !! القهاوي حتنفجر من كتر الناس اللي مش لاقية شغل... لدرجة ان فعلا بقي المشروع الوحيد اللي بينجح و حينجح في البلد هو انك تعمل قهوة أو كافية و تشغل فيه ال "واي  فاي "
و" بلاي ستاشن "مثلا .... و الغريب ان مهما زاد عددهم بيكسبوا بردة و الناس بترووح و تملاهم !! شيء غريب ان الكم المعروض دائما مهما زاد بيفضل يستخدم و. مش بيخسروا أو يفلسوا ... آه و حاجة مهمة أوي " الشيشة " طلاما موجودة ..انت بتضمن نجااااحك الساحق في البلد و كل ما تكتر الأنواع كل ما الناس تقول لبعضها أكتر ... و كل ما النجاح فرصته تبقي أكبر !
الغريب بقي في قله الشغل دي اللي في البلد ... تفتح الجرايد تلاقي كمية الناس اللي مطلوبة للعمل أكتر من الناس اللي مش لاقية شغل !! و تلاقي ان الناس بتروح تقدم و ما بتتقبلش في أي وظيفة مهما كانت ! الموضوع دة بيصبني بهبل من التفكير معلش فكروا معايا حبه ؟؟ ازااااي عايزين دايما ناس تشتغل ... و ازااااااي بردة في نفس الوقت في ناس مش لاقية شغل !!ة لا اللي عايز يشتغل بيقبلوه و لا اللي بيدور بيقبل اللي بيتقدمله !! حقولكم بقي سبب مهم أوي للهبل دة ...' الخبرة ' آه و الله هي الكلمة المستفذة دي ... مافيش عمل عايز يعلم حد حاجة !! كل الأشغال عايزة واحد خبرة و فله و ما تعلموش و لا تديلة أي معلومة أو تفيدة هي عايزة هي تستفيد منه بكل الطاقة الممكنة
واضح ان في مشكلة بقي في موضوع التعليم عامة في البلد مش بس في الدراسة بس حتي في الأشغال
طيب الولد اللي لسة متخرج يعمل ايه ؟ ما عندوس خبرة !! طيب ما ينفعش يشتريله سنتين تلاته خبرة من السوبر ماركت و يرضي أي صاحب عمل ... طبعا ما ينفعش بس ممكن يدفع راشوة... أو يشوفله واسطة .. تشغلة
و الغريب بقي تلاقي الأشغال كلها طالبة حاجات غريبة ..... مثلا الناس تكون معاها لغات .. دة علي اساس ان الناس عندنا في البلد  كلهم متخرجين  من  مدارس  انترناشنول ..؟؟ قولولي طيب هم مش  واخدين  بالهم من المدارس  اللي مافيهاش حمامات .. و لا المدارس  اللي مافيهاش  تِخَت ؟؟ او مدارس  مافيهاش مدارس  اصلا :) و  اللي  بيتخرجو من  المدارس و  هم  بيتلغبطوا  في  اساميهم !! الناس دي  تاكل  ازاااي  و  تشتغل منييين  ؟؟  انا  طبعا مش  بقوول  ان  الناس  كلها  حتشتغل  في  شركات كبيرة  ..  و لا كل  الناس دي  حتبقي اغنية  :)  بس  انا  مش  لاقية  ان  في  نسبة  و  تناسب  في  سوق  العمل !!
الريس لما يطلع يقووولك حااان وقت العمل ... حان وقت الجهد !! تقوووله ماشي يا سيدي نتنيل نشتعل ما قلناش حاجة بس فييييين يا سيدنا . احظ أيدي بس علي الشغل و حتلاقيني فوريييرة و الله !!

و طبعا ما فيش حد بيلاقي شغل و لا حد بيعرف يشتريلة شوية خبرة ! و طبعا بيفضل الناس قاعدة علي القهوة و بيلعبوا بلاي ستاشن و بتفضل الناس قاعدة علي الفيسبوك بيدوروا علي شغل... و مايلاقوش !!و  يفضلوا  مكتأبين  و  قاعدين علي القهاوي او يمشوا في الشوارغ  يغلسوا  علي  خلق  الله !! و يفضلوا  مكتأبين  !!  و  يفضلوا  بردة  ضايع منهم  الأمل و مش  لاقين  اي  عداله  بحكمهم !!و  بردة  اسمهم  محكومين  بالحرية  و  العدالة !!  عجبي  علي  بلد  شايفة  الزل و  الظلم  علي  أصوله في  ظل  الحكم  العادل  و  شايفة  القمع و  الحبس  في  كل  اكتأب و كل  امل  بيضيع منها  قدام  عنيها  و  بردة  هي  عايشة ومَحكومة  في زمن  الحرية.. انا  مش  بقول  اي  كلام  و  خلاص  و  لا بقول  مثلا  اي  كلمتين  حلوين  جنب  بعض  علشان  اجيب  سيرة  الحرية  و  العدالة  و  خلاص ..  بس  دي  يقولي  فين  الحرية  و هو  مش  فقادر  يعمل  مستقبل  .. فين  الحرية  و  هو  حتي  مش  عارف  يستقل  ماديا عن  اهلة  دة  لو  أهل  اشاب  اصلا لاقيين  ياكلو ؟؟  فين  العدل  لما  شباااب  البلد  جي  يبقي  بيتسرق منهم  جمال  عمرهم  و  احلي  سنيين  حياتهم  ؟؟ الكلام  اللي بيتقاال  محتاج  الناس  تفكر  في  شوية  حتلاقس  الف كلمة دراما و وجع توجع  البلد دي  ... و  توجع  الناس  ..  انا  مش  محتاجة  اصلا  اتكلم  و  اقول  كلمتين  يوجعوا  الناس .. لو  كان  علي  الوجع  ...  امشوا  بس  في  الشارع و  انتوا  حتاقوا بدل  السبب  ..  ميت  الف  سبب يوجعكوا و  يطير  النوم  من  عنيكوا    !! عجبي  عليكِ  يا  بلد ! !

مشاعر و شوية كلام علي الماشي

ايه لازمة الناس القريبة ... لما تبقي محتاجهم و مش عارف تكلمهم .. و لا عارف تقرب منهم و لا يشاركوك همك و لا تعرف تفضفضلهم .. و يتحولوا من ناس بتشيل معاك همك لناس انت قررت انك تفكك منهم علشان ما بقوش بيعملوا حاجة غير انهم بيقرفوك و تعبينك و خلاق :(



كلنا جوانا مشاعر كتيير منها الحزين و منها المفرح و منها اللي فيها تحدي و منها اللي فييها شر و خير حلاوة و وحاشة ... كلنا جوانا مشاعر و بيفضل قدامنا اختيارين .. يا نقولها و نكتبها و نعلنها للعالم كله .. يا الاختيار التاني و هو اننا نكتمها و ندفنها و نحاول ننساها ... يمكن ننساها بس قلوبنا و ارواحنا عمرهم ما حينسوها :(

المشاعر محيرة

ازاي حد منغير حد يحس بالوحدة اوي كدة :( ازاي ممكن يحس حد انه ضيف في مكانة و يحس بالغربة !! و ازاي ممكن نلاقي فيي قلوب و احضان غيرنا الامان و الراحة !! ازاي ممكن تكون المشاعر محيرة بالدرجة دي !! ازاي ممكن مكاني يكون ليا غريب.. و مكانة هو راحتي و آماني !! ازاي ؟

لما حد يحب حد اوي اوي و ما يبقاش متخيل حياته منغيرة و بعد كدة الدنيا تبعدهم عن بعض .. و يفضل هو يتعذب لوحدة و يموت في اليوم بدل المرة الف مرة و اكتر .. و بعد وقت طويل الحد دة يرجع تاني .. و يبقي جوه قلب الشخص اللي حب اسأله كتيير و كلام و عتاااب امثااال انت كنت فين و ازاي تقبل تبعد كدة و ازاااي اهون علييك كدة و يبقي الطبيعي يقوله لا ما كنش يتعز و كفاية انك مشيت .. بس في لحظة ينسي كل العتاب و كل القسوة اللي كان بيقول جوة نفسة ان حيظهرها و ينسي كل كلمة رتب يقولها لو جمعتهم صدفة و يفتكر كلمة واحدة بس يقولها " انت وحشتني .. انا كنت محتجاااك " يبقي مافيش كلمة ممكن توصف حاله الشخص دة غير انه فعلا يعشق ♥


انا لسان حالي كان بيقول زمان و انت بعيد لكن قريب .. راجع اكيد و الصبر طيب :) !