الام
في  احساس  جوانا  كشباااب  صعب  اوي  نوصفه  ..بنبقي حيرانين  في حاجات  كتيير  بتحصلنا  من  الناس  اللي حوالينا ..  اصحابنا و  معارفنا  و  ناس ممكن  تكون  عشرة  بنتوقع  منهم  حاجات  كتير و مش  بنلاقيها  بس  بيفضل  الاحسااس  المحير  الاكبر  فيي حياتنا  لما  بنفكر  في  اهالينا .. و  الاهم  بردة  .. احسااسنا  بأمنا ..  عمرنا  ما  بنفهم  الست دي  بتفكر  ازاي  او  عايزة  ايه  ؟؟
بيفضل  السؤال  اللي  جوانا  دايما  حيران  .. هي  الست دي  بتحبنا  بجد ؟؟ و  الخوف  اللي جواها  دة حقيقي كدة و  لا  زيها  زي  الناس  كلها  اللي حوالينا  ..  الخداع  اللي  فيهم  اكبر من  الحقيقي .. و  الزيف  اكبر من  الأصل  في  المشاعر و  السلوك !!
بيفضل  اسئله  كتيير محيرانا
و  بيفضل احساس  ان  الام  عندها  دايما  حاجات  بنقول عليها  " أوفر over "
حب زيادة  و  خوف  زيادة  و  اهتماام  زيادة
بتفضل  بعد  ما  يبقي  عندنا  20 سنة و  اكتر  مهتمة  بأكلنا و  شربنا  مع  ان  احنا  اصلا مش  اطفااال  لو جعانيين  حناكلها  هي  اصلا :D
بي  بتفضل  بردة  هي  مهتمة و  ناعية  همنا !!
سعات  بنكرة  كل  دة  و  سعات  بنلعن  اليوم  اللي  اتخلقنا  فيه  عندنا  أهالي  .. بس وقت  الزنقة  بنقوول  ياريتهم  موجودين ..رغم  ان  العقل  بيقوول  مثلا  ان وجودهم  مضايقنا  ..بس  بردة  بيفضل  فينا  حاجة  متعلقة  بيهم ...  يمكن  لانهم  بدايتنا و  أصلنا  ..  ذي  الانسان  اللي  بيفضل دايما  حاسس  بالرابط  اللي  بيوصلة  بربنا  ..  علشان  عارف  ان  له  خالق  .. بس  دة  بيبقي  احسااس  روحاني  و  احسااسه  بأمه  او  بأهله  احسااس  جسدي  بحت ..!
الفكرة  اني  و أنا  بفكر  كبنت ..لقيت  ان  عندي  فعلا  افضلية  كبيرة  ..  انا  في  يوم  حيجي  و حيتفكلي  اللغز  دة  لاني  في  يوم من  الايام  حبقي  أم  و  حفهم  ..  الست  دي  كانت  بتعمل كدة  ليه  ... حتي  لو  كان  في حاجات  مش حقلدها  فيها  علشان  الدنيا و  الزمن  اتغير  في  التفكير ..  لكن  اللي  اكيد  ان  اللي  عمرة  ما  حيتغير  ..  هو  الغريزة  اللي  جوانا  كأمهات  ..  لان  الله  خلقها  و  حيفضل محافظ  عليها  جوانا  :)
الحمد  الله  اني  حيجي  عليا  اليوم  اللي  افهم  فيه  لغز  كبير  فيي  الحياه :)
يمكن  بعد كدة  ممكن  ابقي  انقل ما  توصلت  إليه  فيي  الأمومة  و  ابقي  افتكر  ايااام  الحيرة  ..مس  عارفة 
بس  اللي  متأكدة  منه  ..  اني  سأتوصل  لحقااائق  لم  أكن  اتخيلها
فقط  الانتظار  يمنحنا  ثقة  في  ان  يوم  من  الايام  سيتغير  الكثير
  

كتير  بيبقي  عندنا  حلم  .. من  كتر  ما  بنبقي  فاكرينة  مستحيل ..  لما  بيجي  و  يتحقق بناخد وقت  علشان  نستوعبة .. و ممكن  نكون  عايشين  رجوع  حلمنا  لينا بس كل  فترة كدة  لما  نقعد  نفكر  في  الحلم  دة  أزاي  اتحقق  .. نحس  ان  قلبنا  اصلا  مش مدرك  اللي  حصل !! و  لا مدرك  اللي احنا  فيه !! مع  ان  بقي  كونة حلم  يعني  احنا  عشناه  قبل كدة  في خيالنا .. لكن  حتي  الخيال مش  بينصفنا !!  بنبقي  مخضوووضين .. او  حاسين  ان حلمنا  اكبر من  ان  احنا  نحققه :)) يمكن  نكون مستكترينة  علينا  مش  عارفة :)  بس  بعد كل  التفكير دة  بنصحي و  بنأكد  لنفسنا  أن  احنا اصلا عايشين  الحلم  دة و  أنه  حقيقة  :) و  بننهي  التفكير  الطويل دة  بأبنسامة :) فيها  فرحة  الدنيا كلها  :)

وردة ذكرياتها

كان معها  يوم منذ ان  اشرقت  علي  البشر  شمس  اليوم  حتي  مغيبها .كانوا  منطلقين  رغم  الجو  البارد و  احيانا  تساقط  الامطار  و  لكنهما  ظلا  مستمتعين  بيومهما  و بصحبتهما  لبعض  ..  كانت  أياديهم  متعانقة  طوال  اليوم  ..لم  يتركا  أيادي  بعضهما  البعض  حتي  غروب  الشمس  ... غربت  الشمس  و  قبل  الرحيل  أعطاها  وردة  ..و  قال لها  انه  لن  يتركها  ابدا  ..و عاد  كل  منهم  إلي  بيتة  مبتسم  و  عيناهما  تلمعان من  شدة  السعادة  التي  في  قلوبهما :)
و مرت  الايام  و  أحتفظت  هي  بالوردة  في  كتابها المفضل ..و  بعد  فترة ..اختلفت  الظروف  و  تفرق القلبين  و  ذهب  كل  منهما الي طريق  مختلف :( تركوا الحب  جانبا و  الذكري  خلف  ظهورهم و  خضعوا  الي  الظروف  القاسية  ليجعلوها  هي ملكة  تحدد  مصير حبهم  و  تحكم  هي  في  مشاعرهم  و  تقرر  هي  حياتهم  !!
و  في  يوم  ذهبت في جولة  مكان لقائهم  مصطحبة  كتابها  المفضل  ... كانت طول  الطريق  تفكر  فيه و  شعرت ان  روحة  تتخللها  !! و  فتحت  الكتاب وجدت  الوردة  التي كانت  قد  ذبلت  هي  الاخري  مثل  حبهما  و  مثل  الذكري .. و أيقنت  هي  بعد  رؤيتها  للوردة  ان القلب  يتوقف و  الحب يضيع  و  تبقي  الذكري  فقط  حية  بأعماقها  لكي  تذكرها  بأحلي  ما  عاشته .. و  بحب  عمرها  قد  ضاع  في  أيامة  ... و  بليااالي  سهرت  لتحلم  بطريق  طوبل  تركها  حبيبها  في  منتصفة فقررت  هي  ايضا  ان  تترك  الوردة  في مكان  الذكري و  ترحل  ... لعلها  تترك  معها كل  ذكري  تمزق  لها  قلبها  كل  ليلة و  هي  ساهرة  تحاول  فقط  ان  تستوعب  ان  الطريق  قد  فاجئها  بحائط كبييير  يمنعها من  العبور الي  دنيا  أحلامها !! 

رجوعك كان حتميا

كنت اعرف  مقدار  الحب  الذي بقلبك و  لكن  عندما  كنت  اري  بعض  الاشياء  التي  تذبح مشاعري  لم  اكن  افكر  كيف  و  أين  و  ماذا  حدث ..  فقط  كانت  تسوقني  مشاعري  الغاضبة  تجاهك ...  تارة  كنت  احاول ان  اتخلص منك  في  اشياء  تركتها  لي  و  تارة  حتي  لم  اكن  اريد  ان  اري  اسمك  علي  صفحاتي  الفيسبوكية !!  كنت  اعني  كل  ما  اقول  و ما  افعال  جراء  ما  كنت  اراه منك  حتي و  لو  كنت  اعرف  ان  كل  هذا  ليس  حقيقيا ...  كنت  اتراجع  كثيرا  قبل  ان  افكر .. لكي  لا  اعزرك ..  فقط  مسامحتي  لك  دائما  كانت  تجرحني  !!  فقط  مسامحتي  لك  كانت  تذبح  قلبي  كثيرا ....  لم  اُذبح  مرة  و  لم  اُقتل  مرة  في  فُراقنا  .. فقد  كنت  اموت  في  اليوم  ألاف  المرات  حسرةََ  علي  ضياعك ... و  ندما ََ علي  ما  قد  وصل  به  قلبي  !! كنت  كل  مره  اقف  أمام  المرآه  لأراني  .. كنت  اري روحك  تعيش  في ملامحي  مما  يجعلني  أُدرك  تماما  ان  حبك  لن  يفارقني  إلا  بالموت ... و  رغم  موت  كل  شئ  بداخلي  مرارا  و  تكرارا  كل  يوم  استيقظ و   لا  اجدك  معي  ...إلا  اني  أدرك  ان  لا  يكفي  موت  روحي  داخلي  و  انا  قلبي  مازال  تكنيكيا  يدق !!
كنت  اعرف  ان  لابد  لك و  ان  تعود لتعيد  لي  الحياه  التي  فقدتها :)  كنت  أعلم  أن  بدونك  لن  استعيد  بسمتي  الحقيقية  من  جديد ... كنت  اجيد  التمثيل ..كنت اطقنة  بدرحة  كافية  .. حتي  ان  البشر كانوا  يعتقدون  ان  الفتاه  هذة  تعيش  ... و لكن  لا  يعرف  موت  قلبي  إلا  الله و  أنا و  الحب  الذي  اتعبني  كثيرا و  مزقني  كثيرا !!
عرفت  الفرق  بين  الضحكة و  الضحكة  ...  الشهيق  و  الزفير  الذي  يضيف  للحياة  سعادة  .. و النفس  المفروض  علي  ان  اتنفسة  ليذيد  في  قلبي نارا  تشتاق لك ...و  ألما  عميقا  يذكرني  بفقدانك :) عرفت  الأن  أن  الحياه  بك  حياه  .. و  بدونك  مجرد  كلمة  :)

لست ملكي

لا امتلكك بعد .. تركنا طريق احلمنا و اتخذنا لنا طريق اخر .. لا يهم علي اقتناع و أرادة او لا .. المهم اننا لم نعد مع بعضنا .. تُركت الايادي و لم تعد الخطوات مُحدة .. لا اريد فعلا الان ان اكون معك ثانية .. نعم هذا اللآن قراري ... هذا الأن اتجاهي .. لا أعرف إذا كان الحب مازال في قلبي ام لا ... و لا اعرف إذا كان عشققك سيترك قلبي ام لا ... و لكن كل م

ا اريد ان لا اراك مع اخري ... اعرف انه ليس حقي و اعرف ان الفراق قد اخذ قلبنا و مزقة الي قسمين .. و اعرف ان علي كل واحد مننا ان يبحث عن من يكمل نصف قلبنا لنعيش .. و لكن كما عشت انا علي بعض الذكري لا عليك انت ان تبحث عن اخري تكملك !!
لا اعرف ان كان هذا هو الحب ام لا ... و لكني لا اريد حقا ان ابقي معك .. و لا اري بعقلي ان نصف قلبك هو الذي سيمنحني الحياه كما اتمناها و كما اريدها :) و لكني لا اسمح لك ان تأخذ نصف قلبك الذي هو من حقي لتعطيه لاخري !!

لا يفهم هو نظراتي في بعض الاحيان ...بل الكثير منها :)
هو لا يعرف ما يدور في رأسي ...نعم هو كغيرة من الرجاااال لا يفهمون ما يدور بداخلنا كنساااء :) نعم اني صغيرة ... و لكن شأني شأن نساء كثيرات فجميعنا نحمل صفااات كثيرة متشابهة :)
ادور انا معة في شوارع المدينة ...هو لا يعرف ماذا تفعل بي انظار الناس اليه من حولنا ...فهي تارة تزعجني و تارة تفررحني و تجعلني كالطير يحلق فيي السماااء ...لان اعجاااب نظراتهم يجعلني ملكة في امتلاكة لي وحدي ..في احيان اريد ان اعلم البشر اني ملكة و هو ملكي و فقط و كل هذا الاعجاب الذي في أعينكيم لشخص انا و هو في حوزة بعضنا الاخر ...كل هذة النظرات لا انكر انها تصيبني بالكبرياء احيانا و الغيرة احيان اخري فالجوهرة التي تملكها لا تريد بالطبع ان يراها كثيرين و في نفس الوقت تريد ان تجعل اعين كثيرة يروها لتعرف قيمتها و تظل انت حائر بين نضوجك الفكري و عشقق للجوهرة :)

اطوف انا في المدينة و اري احلامي تتحقق يوم بعد الاخر ... اري و كأني كنت في احلام يقظتي اعيش ما اعيشة الان :)
اطوف انا في يدة اريد ان اعلن اني ملك له :) و لن اكون لغيرة :) ♥

مين يدفع التمن يا سادة ؟؟

اسمعوا  بقي  و  فتحولي  ودانكوا  كدة  بعد  فترة  بعيد و مافيش ورقة و  قلم  بيقربولي كتير  ...جوايا  كتيير  يتقال .

بس  الحقيقية  ان  في  اشياء  كتيير مهمة  اوي  ان  الواحد  يتكلم  فيها 

اهمها  ان  كل  حاجة  في  الدنيا دي  ليها  تمن  يا  سادة  !

يمكن  الجملة  دي  احنا  بنسمعها  كتير  و  انا  بحكم  دراستي  فاهمة  اوي  يعني  ايه  للاشياء  تمن بس انا مش  قصدي  بقي  التمن  اللي  بالدولار  و  اليورو و  الارقام  الغريبة  اللي  بنسمعها  الايام دي  خالص  ..في  اتمان  تانية  كتييييره  مهمة  بردة و  يمكن ماتقلش  اهمية  خالص  عن  العملات  الغريبة  اللي  بندرسها  دي

التمن  اللي  بتكلم  عنة  بقي  و  اللي اقصدة  و  حتكلم  علية  شوية  كدة  ... هو  التمن  اللي ماحدش  بيجي  في  باله  كتير  غير لو  اتعرض  لموقف  اتعرف  عليه  فيه :)

في  تمن  كدة  الدنيا  بتدفعهولنا !

اه  صدقوني  الدنيا  .... بس  انا مش  قصدي  الدنيا  بالزمن  و  النصيب و  الجو  القديم  دة  لا  بردة 

اصل  دايما  بقول  و  نعيب  ليه  علي  الدنيا  و  العيب  مالينا  !!

ماينفعش  نقووول  اصل  الدنيا  بقت وحشة و  ماينفعش  نقول  اصل  الدنيا  بتظلمنا  و  الدنيا  و  الدنيا  ..  للاسف  الدنيا  دي  يا  جدعان  مظلومة  معانا  اوي !!  هي  اغلب  حاجة  !  الدنيا  دي  هي  اصلا  ايه  غير  شوية  بشر و  اخلاق  و  حاجات  تانية  من  نفس  النوع دة  فوق  بعضها ؟؟

و لا  حاجة  ...  ايوه  الحقيقة  ان  الدنيا  دي  هي  احنا  و  احنا  هي  الدنيا  ..  الدنيا  لما  بتوحش  اوي  علشان  احنا  اللي  بنبقي وحشيين  و  الشر مالينا !!

لما  الدنيا  بتبقي  ظالمة  بنبقي  احنا  اللي  ظلمنا  بعض و  قسينا  علي  بعض و  وجعنا  بعض  اوي و  الدنيا  بتتلون  بلوننا  ..بتتشكل  بشكلنا  .. بتتعامل  مع  كل واحد  بأسلوبة  !!

انا  بس  حبيت  اوضح  ان  اي حاجة  بتحصلنا  مش  علشان  الدنيا وحشة  ... لأ  ..علشان  الناس  وحشة !!  الشر  بقي  جواهم  اكتر من  الخير ..مستعدين  يعملوا  اي حاجة  و  يدوسوا  علي  اي  حاجة  و  علي  اي  حد  علشان  يوصلوا  للهدف  ... مش  مهم  بقي  الهدف  يستاهل  و  لا لأ ؟؟ مش  مهم  بقي  اللي  حيدوسوا  عليه  ده  ايه  او  مين  !!

المهم    انهم  يوصلوا !!

التمن  بقي  مين   بيدفعه  مش  مهم  ..  المهم  انه  بيدفع ..

بس  لما  بفكر  كدة  هو  التمن  دة  ممكن  يكون  تمن  ايه  بقي  بنسبه  للناس  اللي بتدفع  التمن  ؟؟

بلاقي  ان  الاتمان  دي  ممكن  تكون  تبان  تافهة  بس  هي جواها  بقي  بتحمل معاني كتيير اوي

في  ناس  بتدفع  تمن  وجودها  وسط  ناس  اتحسبوا  عليهم  اهل ..

او  ناس  مثلا بتدفع  تمن  فرحتها  ..حزن  كبيير  اوي  تعيشة !!

في  ناس  بقي  بتدفع  تمن  فرحتها  حتي  فلوس !

او  ناس  تانية  بتدفع  تمن  راحة  البال  الفقر

 . و  ناس  بتدفع  تمن  غناها  ..مرض 

  و  ناس  بتدفع  تمن  ولادتها  في مكان مش  مكانها  ...عيشة  مش  فهماها !!

و  ناس  بتدفع  تمن  طيبتها  ...جرووح من  ناس  كتيير  حواليها

و ناس  بقي  طيبتها  دي  بتبقي  براءه مشروخة  !!ناس  تبقي  مضايقة  انها  فاهمة  البشر و مش  عارفة ازاي  ممكن  تدرك  الحقايق  البشعة  اللي  اكبر من  براءتها !!  الناس  دي  براءتها  بتبقي  حيرانة  و  بيبقيوا دايما  ذي  اللي  رقصوا  علي  السلم  لا  اللي  تحت  شافوهم  و  لا اللي  فوق  سمعووهم :)) مش  بيبقوا  عارفين  يبقوا  ابرية  و  يعيشوا  بطبيعتهم و  لا  يكملوا  طريق  ادراكهم  للشر !!

و  دول  بقي  اصعب  ناس  بتدفع  اتمان  و  بتبقي  بتستنزف  فعلا من  كل  الناس  اللي  في  الدنيا !!

كل واحد  فينا  له  تمن  بيدفعة  ... الناس اللي  حكيت  عنها  دي مش  غريبة  عننا  ..كل واحد  فينا  بيدفع  تمن  ... و  الناس  دي  كماان  مش  كل  اللي  بيدفعوا  !! لا  صدقوني  فيي كتير  اتمان  بتتدفع  كل  يوم  و  كل  لحظة  !!

في  كتييير  اتمان  بتتدفع  ..بس  الفكرة  مش  في  التمن   اللي حتدفعة !!  المهم  انك  تعرف  انك  لازم  يوم  ما  تقرر  انك  تدفع  تمن  ..تعرف  تلاقي  الحاجة  اللي تستاهل  تدفع  عليها  تمن  كبيير !!

شئ  يكون  قييم  .. و  انا  شايفة  ان  اقيم  ما  يكون  هو  حياااه  جديدة  مع  شريك  للحياااه  يقدرك ..لو لقيتهم  ادفع  اي  حاجة  في  سبيل  انك  تحصل  عليهم  لانهم  اقيم  شئ  يستاهل  تدفع عليه  ...حتي  لو  التمن  عمرك  :) 

الصاحب الندل

في ناس في حياتك بيختفوا لما غيرهم بيجوا و يثبتوا وجودهم في حياتك !!
ما تستغربش من اللي بتبخر و يمشي و ما يسألش :) ما تستغربش من اللي بيستكفوا بانه يبعتلك رساله غضب عنه :) هو اصلا انت مش فارق معاه اصلا علشان هو /هي تفرق !!
في ناس فس حياتك بقي اسمهم صحاب بس هم فشنك .. و الله تلاقيك بتكلم بواب بتكم اكتر ما بتكلمهم !! دة حتي البواب ممكن يفضل سهران طول الليل علشان يحميك و يطمن عليك و هم لو انت مُت اصلا و لا حتفرق معاهم في حاجة .. بس دة مش من قله قيمتك .. لاااااا خالص بس في ناس فعلا قيمتهم اصلا تكاد تكون معدومة و فاكرين عدم سؤالهم دة بيقلل منك :) لأ خالص دة بيعدم وجودهم هم :) !
صدقني عادي تقابل ناس نادله و ما تستهلش .. خليك واثق دايما انك حتقابل ناس تانية ليها قيمة و حيهتموا و يحبوا و يعوضوك !! و مش مهم ما جتش علي الصاحب الندل .. فيي زمان مثل قالوه " ياما دقت علي الراس طبول " ماجتش علي شوية ناس غلط في اختيارهم و ارجع و اقول بردة المهم الناس اللي اخترتهم بتأني :) مش مهم ابدا حساله اختياارك :) احمدوا ربنا ♥ مش علي الناس دي :) علي شوية الدروس اللي اخدتوهم في السكه :)

تصنعة انت لتختنق منه ...انت ..ايضا

كلمات كرها البشر و لا يريدونها في حياتهم و مع ذلك فهم لا يستغنون عنها و لا يفعلون سواها و لا يخرجون عن أطارها في حين ان من الممكن جدا ان بفعلوا عكسها و ان هم هم من فعلوها و قيدتهم و من الممكن أن يخترعوا عكسها :)
هذة الكلمات تسمي .. المفروض و الصح و العادات و التقاليد و الاصول و الموضه و العرف و اللي اتعودنا عليه .. و في من دة كتيير بس كفايا علينا كدة ..
تبا لكل من صَدَق علي هذة القيود و استغني عن كل قوااااه من اجل تطبيقها !! تبا لليوم الذي ولدنا فيه وجدنا تلك الحروف التي تعانقت مع بعضها البعض لتصنع كلمة معناها قيد جديد لحياتنا !تبا لكل من يخضع لعرف و عادة و اصول ..فقط كلمات ..فقط افكار ...و تبا لكل من تخور قوااه البشرية امام تلك الاسلحة المخبأه في بعض الكلمات !!
ثورة علي المعتقدات و شوية تفكير جوانا فيي حياتنا بيأيدنا و بيمحينا و بيلغي نفوسنا و رغبتها ..تبا لكل كلمة بوجودها اخضعتني يوم و تبا لكل حرف قَبَل انه يستخدم في كلمات تقتل البشر ..و تقتل فيهم الحياه و الرغبة و الامل و الحلم حتي و لو كانت الاحلام بسيطة ..
لدي الكثير لاقولة في هذا القتل العمد للانسانية و لكن يكفي بعض الكلمات توصف العقم الفكري ..فأحيانا الواقع عندما يصور يقتل اكثر !!

مواقف

في  ناس مشكلتهم بجد انهم مش بيفهموا في الزوق و الاتيكيت و اللي المفروض  يحصل و اللي المفروض مايحصلش !!  كلنا بنواجة المشاكل  دي 
كلنا علي فكرة بنواجة حاجات ما نعرفش نعمل فيها ايه
ذي لو جبت هدية اقدمها ازاي و لو رحت البيت احطها و لا ادها للناس في أيدها
لما ناكل نعمل ايه و لما نتكلم نتكلم ازاي و الحركات دي
لما نبقي خارجين ايه اللي يتعمل و ايه اللي مايتعملش
لما نتكلم في التليفون او لما بتعزم حد علي حاجة   ... كل البطيخ اللي له علاقة بالحاجات اللي الناس مش  بتبقي  عارفه تعمل فيها ايه
انا مش خبيرة و مش حقول  قواعد  اتيكيت و زوق يعني ..بس انا اكيد واجهتني حاجات كدة !!
في كذا حل :) يا اما تقرا في الموضوع و  تشوف  ايه  اللي بيحصل
يا أما تتعامل  بطبيعتك و  ببساطة :)  و  انا بفضل الحل التاني اكتر و دة مايمنعش ان احنا يكون عندنا ثقافة  في الاتيكيت  و  الزوق  و الحاجات اللي من  النوع دة  للعلم  حتي  مش اكتر !!
و  البساطة  دي مش  معناها  تبقي  مدلوق  او جلنف و  قليل الزوق  اكتر :)  لا بس تكون   الطبيعة  هي  اللي  بتحكم  الموقف اكتر :)

حلم تحقق

اريد  ان  اري  عيونهم  بعد  معرفتهم :)
اريد  ان اشق  قلوبهم  لاعرف  المشاعر  التي  اراها  علي وجوههم  ستكون  حقيقية  ام  ذائفة :)
اريد حقا  ان اعرف  من  سيفرح و من  سيحزن و من  سيحقد ... هم  حقا  لا  يفرقون معي كثيرا و  لكني  اريد  ان  اعرف :)  اريد  ان  اعرف  الاقتعة و  القلوب  الحجر و  القلوب  اللحم  من سيكونوا :)
القريبين مني يعرفون  ان  سعادتي  لا تتوقف  علي  موقف  البشر  و  لكن  تتوقف  علي  حلمي  الذي  طلما  حلمت  به  و  الآن  انا  املكة  بين  يديا :)
القريبين  لقلبي و  لحياتي  يعرفون  اني  حلمت و  تنبأت  بكل ما  اعيشة  و  الأن  فقط  تحقق  كل  ما  تمنيته  يوم :)  نعم  هذا حدث !!
من  يستطيع  ان  يقول  لا  للقدر  و إرادة  الله ؟؟ من  يستطيع  ان  يقول  لا  لشئ  يحدث  رغم  حرب البشر كلها !!
الزمن و  البشر و  النفوس و  الأيادي  الخفية  التي  كادت  ان  تفتك  بهذا  الحلم  و  لم  تستطع  :)  لان  الله  كان  يحميه  ...هل  من  شخص  يستطيع  اليوم  ان  يقول  لي  انه  يستطيع  ان  يؤثر  فيه ؟؟ داعوني  اعلم  اذ  كنتم  تروا  شئ  يستطيع :)
دعوني  اري  ..... هذا  الشئ  ؟ هل وُجد  اصلا ؟؟

انتظر رؤيتك

في الماضي كتبت يوم
" اريد يوما ان انظر في المرآه و اراني بدونك "
.. كنت اريد ان تتركني لكي لا يتمزق قلبي اكثر
و اليوم اقول لك
اشعر اني اريد ان اغمض عيناي و لا اري شئ لحين اراك :)
فلقد مللت العالم و البشر جميعا
و لا يوجد في قلبي اشتياق إلا لك :) ♥

حقيقة عن الحقيقه :)

• 

  الصراحة انا دايما بحب اشاركم ما قد توصلت اليه في الحياه اول بأول كدة علشان ماتقلوش اني ببخل عليكم بحاجة :)
  الحقيقة اخر ما توصلت اليه من حقيقه ... هو حقيقة عن الحقيقة :) يعني ايه بقي الكلام دة ؟؟ اقولكم انا :) يعني الحقيقة دي اكيد ليها وصف ؟؟؟ اللي هي ايه ؟
  اقولكم بردة .. يعني ايه الحاجات اللي تخلينا نقول علي الحاجة دي حقيقة واقعة و لا تقبل ان البشر يقولوا انها خادعة او زائفة :) او اي صفة من الصفات اللي ضد الحقيقة ؟؟
  طيب خلينا نتكلم تحديدا مثلا عن الصداقة الحقيقية او الحب الحقيقي او العشرة الحقيقية و كل هذة العلاقات ... اللي اكيد في منها علاقات حقيقية و علاقات فشينك :) في صديق ..صاحب صاحبة و جدع و يضحي بعمرة علشانك و معاك مهما حصل و لو الدنيا كلها سابتك بيفضل هو معاك و لو الدنيا كلها عارضتك بيبقي هو سندك و ضهرك
  مش بس كدة الصديق الحقيقي ده بيبقي بالدنيا كلها .. يعني لو عنك صاحب جدع احسن من انك تمتلك حاجات كتيير مالهاش قيمة :)
  و الحب بقي الحقيقي :) خلوني اتكلم عنه حبة كتيير شوية :) بس معلش الموضوع دة مطلووب الكلام فيه الوقت دة شوية ... الحب الحقيقي يا اساتذة ما بيتنسيش و ما بيجيش مكانة حب تاني مهما حصل ... مهما الناس قالت علي الحبييب انه مجنون و انه مش عايش في الواقع علشان لسه بيحب الحد اللي سابة و الحب دة حقيقي ... بيفضل الحبيب يحب حبيبة بردة :) علشان دة حب حقيقي :)
  الحب الحقيقي مافيهوش حد بيبقي عايز يغير حد :) الحب الحقيقي بيحب حبيبة ذي ما هو بيبقي عارف ايه عيوبة و بيحبة و مش بس كدة .. بيبقي عارف عيوبة و ممكن العيوب اللي في الحد دة او الصفات اللي فيه دي تكون ضرته و ضرت حبهم بس هو بيفضل يحبة بصفاته دي و مش بيعوذ يغير فيها ... لا و يستني كمااااان انه يرجعله بالصفات دي هي هي :))
  الحب الحقيقي هو اللي بيستمر مهما حصل ... مهما الوقت عدي و بَعَد الحبيبة :) و مهما الناس اللي حواليهم حاولوا انهم يفرقوا بينهم :) بيفضل حبهم عايش و بيفضل حبهم دة كبيييير اوي و بيفضل قادر يعيش و يحارب انه يبقي موجود ضد حرب كل من يخاربونه :) !!
  بعيدا عن الحب اللي بيجمع اتنين :) و الموسيقي و الشجر و العصير و العصافير اللي بتغني و الكلام الرومانسي اللي بزيادة دة :)
  في حياتنا في علاقات كتييير اوي ... زي القرابة و الزمالة و المعارف و كل العلاقات دي حتي علاقتك مع بواب العمارة :)
  في العلاقات دي في ناس حقيقية بردة و ناس لأ و أحنا لازم نقبل بالواقع :) و نرضي بيه كمان ....في قرايب حقيقين و قرايب التراب اللي علي أثاث منازلكم أقيم منهم .. و زمايل جدعة تسترجل معاك في زنقة شغل و لا موقف صعب :) و ناس النفسنة في دمهم :) و عارفين حتي الناس اللي في الشارع منهم ناس حقيقية و ناس لأ .. منهم اللي لو عربيتك وقفت في نص الطريق يقف و يساعدك حتي لو ما يعرفكش :) و ناس تشوفك محتاج مساعدة بجد يبصولك و يدورا وشهم و يمشوا :) عااادي خالص :))
  عارفين حتي البواب ممكن يخدمك بقلب و بواااب يخدمك من تحت درسه و ما يتعتعش من مكانة لو عارف انك مش حتظبطوا في بقشييش :)
  هي الناس كلها كدة... منها الحقيقي و منها المزيف منها الكويس و منها الوحش منها اللي يصونك و منها اللي يخدعك :) عادي :)))
  
  ده واقع لازم نقبل به :) بس ذي ما في حاجات لازم نقبل بيها في حاجات لازم نعملها :) و اللي في نظري علينا لازم نعمله .... ان احنا لو لقينا اي حاجة حقيقية نتمسك بيها اوي و مانسبهاش مهما حصل ... مهما كانت الحياه صعبة و اوهمتنا في يوم ان الحاجات دي مش حقيقية ... لو احنا اليقين اللي جوانا بيقول عكس كدة و بيقول ان الحب ده هو الحقيقة و ان الصداقة دي هي الحقيقية :) مهما الوهم خلانه نشوف ان مافيش امل و اليأس غطي علي اي رجاء اللي جوانا .. لازم نعرف ان اكيد في واقع تاني :) لسه مستنييينا :))
  من الاخر علشان انا طولت عليكوا اوي انهرضة :) اي حاجة حقيقية بتبقي باينة اوي ... بتبقي منورة :) و ظاهرة :) ماتسبووش الحقيقة قصاد اي حاجة لانها عمرها ما حتعادل اي حاجة تانية في قيمتها :))
  أمنياتي لكل انسان يلاقي الصداقة الحقيقية و الحب الحقيقي :) و يعثر علي حقايق كتير في حياته :)

منهج حياه

في مقوله كدة بتقول

 " اللي يبني بيت يقعد فيه "

 علي ضوء المقولة دي انا بقوول 

 " اللي يحب حد ...يخلص له" 

و " اللي يعاشر صديق يوفي له " 

و " اللي عندة حلم يتمسك بيه " 

كلامي واضح و مش محتاج توضيح 
دة منهج حياه يا بشريه :)

الحلم اللي اتأخر علشان يجي !!

الناس  سعات  بتقول  ات  الحلم  اللي يجي  مش  في وقته  بيبقي كأنه ماجاش   الغريب  بقي  ساعات  ناس يتحققلها  احلامها  كاملة  بس ما  تبقاش  فرحانه  و  لا كأن اصلا الحلم دة جة و اتحقق و لا  كأنهم  كانوا  مستنين  اصلا اللي  بيحصل  دة 
الحقيقة  انا  كنت  بفكر  في الموضوع  دة ..بس انا  عايزه  اقول  رأي  و  مش اكتر  ..الحلم اللي يجي  و ماتحسش  بفرحته  ! و  لا تحس  ان  تحقيقة  دة  مخليك  طاير يبقي  حابة  اقولكم  ان  اللي حصل دة مش  حقيقه  ...هو  للاسف عمره ما كان  حلم !! هو  عمره  ما  كان  هدفكم ..سعات  كدة  البشر  بتتعلق  في  حاجة  وتشبط  فيها  و  خلاص ..عرفين  عامله  ذي  الحاجة  اللي تبقي  عايز  تشتريها و  ماعكش  فلوسها  و  اول  ما تكمل  فلوسها  تروح  تيجي  تمسكها  علشان  تشتريها  ماتحسهاش ...  هي  ماكنتش  حلمك  هي  كانت  حاجة  علقتك  و  خلاص  وانت  ما  كنتش  عمرك  عايزها  !!  لانك  لو  كنت عايزها كنت  حتفضل عايزها
اوعي  تزعل  بس  خلاص  ماتفكرش  فيها  .. خلاص  ماتهتمش  ..ماتقولش دي كانت  حلمي  قول  دي كانت  فكرة و  فوقت منها و دور  علي  حلكمك  اللي  بجد  خلي عندك  الأمل دايما  ان  لسه  في حلم كبير  لسه  مااتولدش  و كبر جوايا :) لان كل  حد  في  الدنيا  عنده  حلم .. الفكرة  انه  لسه  ماجاش  بس

 

 

اللي عنده حلم احسن من اللي معندوش :)

اسمعوا  و  اعوا  يا  ايها  البشر :)  نصيحة  لوجه  الله  حكتبهها بعد محاولات كتير اني احاول اكتب اللي عايزة اقوله بس ماكنتش عارفة !!
من  الاخر  و  منغير  لف  و  دوران ..  اللي عنده حلم احسن  من  اللي عندة  واقع حلو  بيعيشة  ....  اللي عندة  حلم  بيحلم  بية  و  مصدقة  و  شايفة  ,و حاسس  ان  في  يوم  حيجي  عليه  و  يبقي  عايش  في  واقع  هو  رسمة  في  حلمة  مايتخلاش  عن  حلمة  و  مهما  حصل  ...  مهما  الناس  قالوا  عنك  مجنون  ..  مهما  الناس  قالوا  عنك  عايش  في  الوهم  ....مهما  الناس  كلهم  ضحكوا  عليك  و  علي  حلمك  الف  مرة   قبلك ..  مهما  كان  الحلم  مستحيل  ..  كفايه  انك  تشوف  واقع  تاني  في  حلمك ..  و  كل  ما  حلمك  يكبر  و كل  ما  تتمسك  بيه  في  خيالك  انت  حتصنع  الواقع  الجديد  ... و مهما في وقت حسيت ان قوه  الجذب للواقع  اللي  بتتمناه  ده  تكاد  تكون  معدومة  و  يجي  عليك  احسااااس  انك عايش  في وهم  .. اوعي  تستسلم  ليأسك  خلي  عنك  امل ....او  بيسموه  ساعات  رجاء  حزين ..  المهم  يبقي موجود ..الاكيد  انه  حيجي  يوم  يبقي  حقيقة :)
و  ساعتها الوهم  اللي كنت  فاكر  انه وهم  حتفهم  انه  حقيقة و  تعرف  ان  قوتك  في  انك  ماتتخلاش  عن  الحلم دة  في  خيالك  و  احساسك  هي  اللي  عملت  من  حلمك  حقيقة:)
حتفضل دي  احلي  حقيقة  في حياتك  و  حيتحول  احسااسك اللي كله  رجاء  يائس  و حلم  مكسور و  خوف من  وهم  ممكن  يكسرك  لسعادة  و  ثقة  في  نفسك و  احساااسك  تتباهي  بيهم  قدام  الناس و  العالم  كله  و  حتتأكد  بعد  كدة  ان  قلبك  و  احسااسك  عمرهم  ما  بيشوفوا  حاجة  غلط  .. عمرهم ما بيشوفوا  غير  الحقيقه :)

يقيني كَذب اوهامكم

كيف للايام ان تثبت كل ما اقوله ؟؟
كيف للايام ان تعيد لي كل ما قد فقدته ؟
كيف للايام ان تنكر كل ما حولتم ان تقنعونني به ؟؟
كنت اكذبكم و كنت احاول التمسك دائما بما اعتقد فه !
كنتم تحاولون التأثير علي قوتي و يقيني... و لكن لتقولوا لي متي نجحتم ؟
اسخر الان من كل شخص سولت له نفسه ان يقنعني يوم بوهم لم يكن موجود سوي في عقله !! كنت اعلن حقيقه لم تصدقوني و كان قلمي وفكري و كلماني فقط هم الذين يصدقونني و يواسوني و انتم كان تكديبكم حتي لاحلامي ملازكم ... ارحلوا عني الان فانا اعانق اليوم حلمي التي طلما حلمت بتحققه :)
من الاخر طلعت صح يا اوغاد ... اذهبوا الي الجحيم :P

ابحث عنك بين البشر

اشعر بفقدان الكثير من المشاعر التي احتاجها الآن ..و التي فقدتها حقا فقدت الكثير 
لا أعرف إذ كنت فقدتها لأني لم أعد احتاجها .. أم فقدتها أجبارا و خضوعا لهذه الحياة القاسية
أم اني فقدتها لضعف تملكني وسط كل ما قد مررت به
فقدت بعض الأشخاص ليسوا أصدقاء .. فلي بعض الأصدقاء الأخريين ينطبق عليهم صفات من البشر الذين أجبرتني الحياه علي تركهم أو إجببروني هم .. أو من الممكن تكون الحياة قد أجبرتنا جميعا
 و لكن البشر الذي أتحدث عنهم .... هم بشر لا أجدهم في الحياة ... لا أجد لهم بديل أيضا  وسط كل اعداد الأصحاب و المعارف ... وسط كل المعجبين و المصدقيين علي روعة ما اكتبه ... هم بشر افتقد وجودهم ...أنا لا أريد من البشر الكثير ... أنا فقط أريد شخص واحد ... نعم واحد فقط لا غير ... شخص يشعر بي .. يهتم بي ... يفهمني و فقط يستطيع ان يعرفني و لا يطلق علي كلمة ' انت غامضة ' يفهمني و يهتم ... شخص لا أجد فيه هو أيضا الغموض الذي يجعلي أشعر ببعدنا... فقط أبحث عن شخص في اختلافه يكملني و في اختلافنا لا نتنازع و في القبول لا يوجد مثلنا ... فقط شخص واحد أهرب معه من غربتي إلي راحة أحلم بها ! فقط شخص واحد يا قوم البشر !! ألا. يمكني ان أجده بينكم ؟ أسيضيع العمر أبحث و أبحث و فقط ؟ نداء إلي البشريه أفصحي عن هذا الشخص فالأحتياج يقتل ! و الانتظار يذبح ! أكشفي عنه لأني لا أملك سوي الصبر و قد بنيت منه جبال و الأمل خاب و العمر يضيع هباء في انتظار الحلم المجهول الذي صعب حتي وصفه ! و لكن رغم فقدان الأمل حتي لا أجد بين يدي حيله أخري سوي الانتظار ! سانتظر يا دنيا لعلك تكرميني يوم !

قانون الجاذبية الكاذب

كم تمنيت ان أراك .. كم تمنيت ان أحقق فيك نظرية الجذب و لكنك دائما تخيب آمالي .. لو كانت هذة النظرية تنفذ لكنت رأيتك في كل ثانية في حياتي ! كيف لا يرضخ هذا القانون في رؤيتك ... قول لي كيف  تعصي قوانين  عالمية  ..قول  لي يا سيدي  الظالم  ..العاصي !!انت  تعصي قوانين  الجاذبيه هذة فكيف لي ان  اتأكد  انك  لا تعصي قوانين  الله ..نعم كان  عليّ ان  افهم أنك من  السهل أن  تظلم .. من  السهل أن  تنسي !!إذا  كنت  لا تبالي و  لا تهتم  لرؤيتي و  تبطل مفعول  تفكيري المستمر ..من  الممكن  أن  تبيع  حب  اخلص  لك !! من  الاسهل  إنك  لن  تعد  تتذكرة  مرة  اخري !! بل من  الطبيعي..

قرار : اللي حيمد ايدة حقطعهاله ....خدي قرارك

انهرضة يوم العالمي للقضاء علي العنف ضد المرأه !! العنف يعني التحرش او اهانتها او ضربها في البيت او بره البيت مما ينددرج تحت التحرش اللي بنقابله كل يوم بالكلام او بالنظر او باللمس !! من رأي مش حتقدر الست من يوم عالمي تحمي نفسها من اللي بتشوفه كل يوم في بيتها و في الشارع او حتي علي مواقع التواصل الاجتماعي من تحرش عبر الانترنت او رفض انهم يعبروا علي اهميه احترامهم او اي رأي بيطرحوه علي الفيسبوك او تويتر ..القضاء علي العنف اللي ضد الست حيجي بطريقة واحدة بس انها تاخد موقف حقيقي ضد العنف اللي بيتم ضدها .. حتي لو كان العنف دة بيقدم في شكل قمع لرأيها او انكار بوجودها .. و شايفة ان العنف حينتهي لما الست و البنت يستحلفوا بجد لاي حد حيفكر يمارس اي نوع من انواع العنف تجاها .. و تعرف كدة و تحط هدف قدامها ان اللي حيمد ايد عليها حتقطعهاله و تعرف ان اللي حيعمل كدة لازم يندم طووول عمرة علشان عمل كدة !! انا شايفة ان الست لو ما قويتش و دافعت علي حقوقها و تستموت بجد ماحدش حيجبلها حقها و لا الف يوم عالمي للقضاء علي العنف ضدها !!

المصري فوق الجميع يا بشر

وسط كل هذه الاحداث الكثيرة و الكبيرة .. اري مشاعر متضاربة  و  اراء مختلفة  و  موجات من  التخوين  و  موجات من  الرفض و  التأييد  .. وسط كل من  يعتدي  و من  يتم  الأعتداء  عليه  .. وسط  الثوار  و  من  اراد  خطف  لقب  الثوار  و  من  اراد  ان  ينتمي  الي  الثوره عن  حق  كان  او  عن  باطل  ..من  ينتمي  الي تيارات  سياسية  و من  كان  لا ينتمي  .. كل  شخص في  بيته  مؤيد و معارض  للقرارات  و  للأهانات و  الاعتداءات ..  كل من  يقوم  بتوضيح  اراء  كونها  في  تويتان و  فيسبوك  و  شوية  صور  فوتوشوب  فيها  نكته  و  ضحكة  ..اصل  المصري اصلا  رغم  الهموم  اللي  شايلها  ..انسان  ضحوك !!
رغم  كل  التضارب و الاراء  والاختلافات !!
ماشفتش  فيكي  يا  مصر  في  شعبك حد  سعيد  .. او  حد متفائل و  شايف  ان  البلد  منورة و  فرحانة !!  عارفة  انا  ليه  مافيش  في شعبك  غير  قلوب مكسورة  .. علشان  بكل  بساطة  الناس بتقطع  فيكي  يا بلد  و  انت  بتنازعي و  الناس و  لا هاممها  صراخك  المكتوم !!  بالله  عليكم  يا  بشر  لو  لسه  في  قلوبكم  اللي قسيت من  كتر  القسوة  روح و  لا نقطة  عطف و  لا حب  للوطن دة  !! تفوقوا  و  تعرفوا  ان  بكل  اختلافكم  و  تناقضكم  البلد  بتموت  و  ماحدش  فينا  مبسوط !!  ارجعوا  لروح  ال 18  يوم  علشان  البلد ..  ارجعوا  ثوروا  علي الظلم  لو  عايزين  بس ثوروا مع  بعض  مش ضد  بعض !!ثوروا و  قولوا  لا و  ارفضوا  بس  ضد  الظلم و  الغلط مش  ضد مصر !!  

ارجوك ارحل !

تلاقيت معك اليوم صدفة  ... لم تري مني سوي صمود و قوة .. تعودت عليها في كل صدفة تجمعنا ... لكن انهياري الداخلي أيضا لم يتغير !! عندما مددت يدي إليك بعد ان مددت انت يدك ... سلمت عليك و لم أكن أريد أن تتلامس يدانا ! تمنيت ان تكون قد أصيبت بمكروه يمنعك من ان تمدها لي ! و لكنها مازالت بجبروتها.!أنا لا أكرهك !و لكني لا أريد ان أراك ... ليس لي و لكن لكي يشفي جرحي
جرحي يصرخ  كل لقاء بيننا يرجوني أن  اتركة يُشفي وأنا اعرف اني   مُقصرة أنا  في شفاءه !! و  لكن  كيف .. و الصدفة تجمعنا
كيف و الجرح مازال ينزف في الداخل
كيف و  الجرح مازال يصرخ يريد  ان  يُشفي و لا احد  يبالي بآلامه ! كيف  ولا احد  يساهم  في علاج  هذا القلب الذي  تمزق من  الجراح! كيف  لجدار  هذا  القلب  ان يعود سليماََ كقبل  و  هو  فقط  لا يرى سوى لطمات تصفع  به  في كل مره أقوي من  المرات التي  تسبقها
تتذكر  اني  لم  اراك  .. حقيقي لا  أتذكر  شكل  عيونك ولا هيئتك !  فقط  كنت اسمع  صوت انفاسك  المضطربة ..لم أرد  ان أراك  .. لا أريد أن أري هذا الجبروت الذي  ذبحني مره  اخري !كي لا أجدد  ذكرياتي ! اريد  ان أدفنها لا اتذكرها
ارجوك تراجع !اتركني ...ارحل

عن الحجاب

عن  الحجاب ..
بنات  جيلي اللي مافيش  في حياتهم  غير  الحيرة.. طبعا كل  الناس محتارة  ماري  "  المسيحية " اللي " منغير حجاب " لما  تتكلم  عن  الحجاب  حتقوول  اييه ؟؟
بس  انا ححكيلكم  حاجة  حصلت.. الحقيقة الموضوع  كان  شغلني من كام موقف شفتهم بس الموقف الأخير كان  قدامي و الصراحة اتكلمت انا و أصدقائي المحجبات.. و  المشكلة  ان  لقيتهم  فعلا  بيفكروا  في الموضوع  و  حتي  قالولي لازم  تكتبي  الكلام دة فلقيت  فعلا  ان  الموضوع  يستحق  الكتابة !! الحقيقة احنا كنا في سوق تجاري كبير و كان في مكتب  استعلامات فكنا  بنعمل  حاجة  هناك... و الصدفة حطيت بنت  لطيفة  كده  قاعده قدامنا في المكتب  فصحابي  اتكلموا معاها علي الشغل و  الكلام ده بما  أن  احنا كلية واحدة "تجارة  انجليزي " و  الكلام  جاب  بعضة .. و  الصدمة  كانت  مش  بس  حتموت  صحابي بس  خلتني  بجد محتاره و  بفكر و  فتَحت  عنيا  عل مشكلة ممكن ماكنتش  بفكر  فيها  قبل كده !او  لضيق  أفقي ماكنتش  شايفاها  مع  اني  كان  لازم أخد  بالي منها من  زمان ...خليني  اتكلم  بكلام  حقيقي  أكتر .. القاعدة بتقول : البنت المحجبة فرصتها قليلة في الشغل.. و البنت اللي بشعرها بتتقبل علشان المظهر و الشكل و كل الكلام ده!!يعني البنت يتحكم عليها انها تتحط في مربع يحدد مستقبلها العملي لمجرد  انها اختارت  انها تتدين  بصورة  معينة ؟
يعني ايييييه البنت يتحكم عليها انها ما تشتغلش في بلد أسلامي كمان او بلد عربي خلينا نقووول و هي محجبة و يشتغل فيها البنت اللي سايبة شعرها ... بعيدا عن الكفاءه .. للعلم البنت اللي كانت بتكلمنا دي مش متخرجة  بتقدير !!!  يعني من  المفترض  تكون  واخدة  مكان واحدة  بتقدير... و عالي كمان و  مش  أفتراض  دة  في الغالب حقيقة  و لو بنتكلم  علي الشكل مش  بعيد  ابدا  اللي بحجاب  تبقي أحلي منها علي مستوي الجمال بس  بردة " لأ " علشان الحجاب !!
ازاااي  أحنا  في  بلد  فيها  كل  التناقضات دي !!  يعني  الناس بتطالب  بالاحتكام  للشريعة  في  الدستور و  في نفس  الوقت  الاشغال  بس  للناس  اللي بشعرهم !!
طبعا في أماكن  بتخلق  التوازن و بتطلب ملتزمين بس !! بس الفكرة نفسها اصلا مش منطقية !! يعني  ايه  الشغل  يبقي  باللبس !!  يا سيدي  ما  ممكن  واحدة  منتقبة  و  في  شغلها ذي  الفل !!  و ممكن بشعرها  بس مابتفهمش  حاجة .. و طبعا العكس موجود و قائم .. السؤال بقي .. اللي يهمهم  اييه  الكفاءه و  لا المظهر؟؟
طبعا المظهرية اللي  في  بلدنا  مش  من  فراغ !!  يعني  ممكن  بنت  تبقي  فعلا مضطره  انها  تقلع الحجاب وقت  الشغل و  ترجع  تلبسه  و  تروح  بتها  علشان  خلاص  فاض  بيها و أهلها محتاجين.. و في الغالب بيحصل كتيير من  كده  في  مناطق ممكن  تكون  شعبية  شويه  او ما شابه ذلك .. و  في  الغالب بردة  بيتقال عليها البنت  دي  "........" علشان و انت بتقول رأيك فيها بتحتكم  للمظهر !! مع  ان  البنت  ممكن  تكون  بجد  خايفة  علي دينها بس لما  تسألها تقولك  "تسألني ايه  اللي رماكي  علي المر  ...أقولك  اللي أمر منه"
دلوقتي  البنت  تعمل  ايه  ؟ تلبس  الحجاب و  لا تقلعة ؟ "تفتح  الشباك و  لا تقفله "
ترضي  ربنا و  لا تعيش ؟؟ انا مش بس بتكلم  عن البنات اللي مستواهم الاجتماعي عالي بس !!  انا  بتكلم  عن  اللي مستواهم الأجتماعي أقل !!  الشغل  بالنسبالهم  ميه  المحياه !!
ازاي  المجتمع  في  شكلة  الخارجي  يكون بيوجه  لشئ "و طبعا الدين "  اللي بيعتقد  فيه  جزء كبييير من  الشعب ..في  حين  ان  الباطن  الداخلي  للمجتمع  بتقوم  بتنفيذ حاجة  تانية  خالص !!
بزمتكم  مش  حاسين  بالحول !! دة انا حاسة بكدة و أنا بس بكتب الحقيقة  .. امال اللي عايشين  الحقيقة  دي  بقي عاملين  أزاي من جواهم !!
طبعا علي النقيض  الأخر  بقي  تلاقيهم  يقوقولك  المسيحين  حتي اللي بشعرهم  مش  بيتعينوا في حته :) نفسي  أعرف  أمال مين  اللي بيشتغل فأم  البلد  دي  يا  جدعان !!
و  البنت  تعمل  ايه ؟ تواجة  مجتمع  فيه  اللي مش  محجبة ماتعرفش  ربنا  ؟ و  لا ترضي  ربها ؟ طيب  لو  رضت  ربها حتلاقي  شغل من  اللي بتتمناه ؟ طبعا مش  بقول  الكلام دة  علشان  حد  يقولي  انتِ  بتقولهم  يعني  يقلعوا الحجاب  علشان يشتغلوا  ...لا طبعااااااا !!!  انا عايزه كل بنت عايزه  تلبس  الحجاب  تلبسه  عن  اقتناع من غير ضغط من أي حد  في البيت أو  في  المجتمع ..و عايزاها لما  تعمل كده  تلاقي نفس الفرص اللي بتلاقيها البنت  اللي مش  محجبة !!  دة حقها انها تكون هي !تكون ذي ما اختارت انها تكون ..و يتم التعامل معاها علي انها شخص علي الدرجة العلمية الفلانية و الأمكانيات المهنية الفلانية و الخبرات اللي حصلت عليها في الشغل و  تقديرها العام في الشهادة الجامعية اللي حصلت عليها بغض النظر بقي عن شكلها ... الأتنين كانوا بيذاكروا و الاتنين امتحنوا !!  المصحح ماكنش  باصص  دي  بحجاب و  لا من غير هدوم  خالص :)  كان باصص  علي المادة العلمية اللي تم أمتحانها فيها ! عارفة ان دي  كارثة في مجتمعنا و مش كلمتين اللي حيغيروا بس أدينا بنقول و  نحلم و  نتكلم  و  نعلن  و  نصرخ  ان أمكن  و  احتاج  الأمر لكده !! لعل الحلم يتحقق يوم :)    

 

بلد الدم !

مش حكدب و أقول تاني بحبك يا بلدي !!
و لا بقي بيفرق في قلبي شوية ميه شربتها من نيلك .. و لا سماكي اللي عشت تحتها في بتخلق جوايا حنينك !
ايوة يا بلد اللي بيقولولك كدة بيخدعوكي !! اصل انا في سموات كتيير في بلاد اكتر تضلل عليا و لا تجرحنيش.. و المياه لو ملحة في بلاد غربة أهون عليا اشربها
و لا اشرب ميه نيلك اللي بقت متعاصة في دم ولادك !! مش حعرف اعيش فيكي و أنا شاكة أكون ماشية علي اشلاء صديق و لا طفل برئ كل همة يتعلم و يعليكي قمتي انت دوستي علي و قتلتيه بأهمالك !!
ملكتي المهمل و المتهاون و الكويس فيكي ظالم مستبد !!
قوليلي أعيش فيكي ليه ؟ قوليلي أكون فيكي ايه؟؟ يوم و التاني حيعدي عليا و فكل ساعة قلبي مش مطمن حتعدي و مش حيموت حد ؟ دة بقي حلم شعبك يا بلد !! نادوا بعيش حرية عداله اجتماعية .. لا عارفين ياكلوا ... و الحرية ملت سجون بلدك بثوارها و المساجين اللي قتلوهم بيرمحوا في بلاد الله ..و العدالة الأجتماعية دة حلم من المستحيل تحقيقة !! و بخ يا ثورة !! و بخ يا بلد !! و بخ بقي أحلام و بخ بقي مش طيقااكي و لا طايقة أشم هوا في حدوودك ... خايفة في يوم تعايرني بشوية اوكسجين اتنفستة علي أرضك !! خايفة في يوم ادفع لهوي ربنا ضريبة !! انا اصلا خايفة اكمل حياتي علي ارضك... و حتي الأمان يامصر اللي كنت بتتباهي به خسرتيه !!

عن ال "أه و ال"أي " و ال"أو "

عارفين  البنات  اللي بتبقي  قرفانة من  أي حد  في  الشارع ..  قرفانة من  المدرس أو  دكتور  الجامعة و  قرفانة من  كل  الناس  و  شيفاهم مش من  مستواها ..و طبيعي  كدة  تبقي  عوجة  رقبتها و  بقها مش  بيبقي  في  شكل  البق الطبيعي  للبشر  ! :)  بيبقي  في ضمة  كدة  مش  معهودة ..مش  عارفة  بتبقي  عامله  فيه  ايه ؟:)

و طبعا مش  محتاجة  احكي  بردة  علي  حركة  أيدها  بتبقي  فيها  عوجة مش  من  خلقة  ربنا :)  يعني  هو مش  بيبقي  سيستم  مولودة  بيه  :)  لا دة  سيستم جديد  بتنزله  هي  حسب  الحاجة  !! و طبعا  لاززززم  لاززززم  تلاقي  في كلامها كلمتين  كدة من  لغة  اجنبية  :)  اللي  تعرفة  و  ممكن  كمان  تتعلمهم  يعني  لوزوم  الفشخرة  الكدابة  علي  خلق  الله  :) طبعا مش قصدي  علي الكلام  العادي  .. بالمناسبة  انا  بعرف  اتكلم  انجليزي و  فرنساوي  كويس  فمش  منفسنة من  حد  بس  هي  الفكرة  ان  في  حاجات  بتبقي  زيادة  عن  الطبيعي  .. يعني  بتقوول  كلام  مش  في مكانة  او  بتكلم  حد مش  مناسب  معاه  طريقة  الكلام  دي ..  و  علي  فكرة  اللي  بيعرف  يتكلم  كويس  مش  بيبقي  عندة  عقدة  نقص  و  مش  بيبقي  فارق معاه  اصلا يقول  الكلمتين و لا لأ :) و  حاجة من  هذا  القبيل  بردة  ان  لو  لقت  بنت  بتكتب  بالعربي  علي  الفيسبوك مش  الفرانكو  و  دة  اصح  بتنزل من  نظرها :)

و  طبعا مش  محتاجة  بردة  اشرحلكم  كل  الاساليب  اللي بتوضح بيهها  ال"آه " و ال"أو " وال " أي "  اللي بتستخدمها  بقي  علشان  تبقي  البنت  النضيفة  و  الستايل و  اللي مافيش  ذيها  :)

بالمناسبة  هذة الفتاه ... او  الكائن  الفضائي  بتبقي من  كتر ما  بتحس  انها  قرفانه من  كل  الناس  و كلهم  بالنسبالها " ياااااي "  بتحس  انها ممكن  تكون  قرفانة  من  نفسها  اصلا بس  مش  عارفة  تعبر !! :)

تحية  و  تعظيم  لكل  بنت  مش  بتستخدم  ال"آه " و ال"أو " وال " أي "  علشان  يتقال عليها  فله :)

تحية  لكل  بنت  عايشة  علي  طبيعتها :)  تحية  لكل  بنت  ضد  العواجان  المبتزل :))

و طبعا  انا  مش  معني  اني  بتكلم  كدة  يبقي  مش  بحترمهم  .. لا   خالص  لكم كل  احترامي  حتي لو  بنختلف  في  الأسلوب و  الأداء ... تحية احترام  بردة  ليهم  انهم  بيعملوا  كدة  و  مستمرين  رغم  نقض  الناس  ليهم  علشان  مقتنعين  بنفسهم :)  

قطار الحياه :(

الناس في الحياه بتقابل ناس و بتفارقهم .. بتحب ناس و بتكرهم .. بتعاشر ناس و الدنيا بتاخدهم منهم و الظروف بتفرقهم .. سعات بمزاجهم بيبعدوا و سعات الظروف بتبقي أقوي منهم.. بيقابلوا صحاب و بيكوون الفراق كتير نصيبهم .. بيحبوا و الهجر في أحيان كتير بيكون خليلهم .. و سعات بعد الفراق بيفتكروا الناس دي و يقولوااا يااااااه كانت أيام و الناس دي بردة كانت كويسة .. بيقابلوا ناس طباعهم أصعب و

بيفارقوهم و ساعتها بيعرفوا ان اللي فاتوا كانوا أحسن بس بيكون في الغالب الوقت عدي و فات و أوان السماح انتهي ! و يا بخته اللي لسة بابه موارب في وشوش الناس !! الفكرة أن كل البشر عارفة ان الدنيا و الحياه طريق جوة قطر اللي بيجي محطتة بينزل .. يا نزوول للأبد بموت ..مش من أختيارة و لا أختيارهم !! يا نزول بأرادة أنه يبنزل و يمشي من حياة ناس تانية !! ماحدش عارف بقي اللي نزل في محطة ممكن يرجع للقطر في محطة تانية و لا لأ؟؟يمكن لو الباب موارب أو يمكن علشان الباب سعات بيبقي مكسور بيرَجَع أي حد و خلاص من ضعفه .. الفكرة ان الواحد لازم يبقي فاهم أن لكل حد دور بيعملة و خلصت علي كدة .. ناس بتدخل حياتك و تمشي منغير ما يبقالهم بصمة و لا تفتكر وجودهم في يوم .. و ناس بتدخل حياتك و بتطلع بالدم !! و دول بيبقوا علموك كتيير او جرحوك أكتر و علامتهم بتبقي قوية كانوا بقي يستحقوا او ما يستحقوش المهم انهم بيعلموا !
و ناس بتدخل تبصم بصمة و تمشي بتسيب علامة و خلاص ... المهم ان الناس اللي بيدخلوا حياتك و يطلعوا لازم يعلموك حاجة حتي لو في نظرك انهم ولا حاجة و انهم انضف وصف ليهم بيكون "صعاليق" :) بس بردة اهو "الصعلوق " دة ممكن يعلمك أكبر درس فس حياتك :) مش مهم مين علمك ؟! و مش مهم علمك ازاي؟! و لا مهم اي حاجة في التفاصيل التافهة دي المهم أنه " علمك " ... أنسي جرحه ..أنسي حبك له أو كرهك .. أنسي الغيرة و الحقد .. الشوق و الهجر ... أنسي كل حاجة بس أوعي تنسي"الدرس" اللي بتخده !!
و أخيرا ملحوظة ...في كل دة بقي دايما بيبقي معاك حد (حد واحد بس )بيفضل معاك في كل درس ..في كل جرح .. في كل محطة بتنزل حد بيفضل هو واسيك ..يمكن
يقولك الدروس المستفادة ..ساعات .. المهم أنه بيفضل !
لا بتقدر تستغني عنة و لا بتقدر تتخيل أنه ممكن لأي سبب إنه يسيبك و يمشي .. و بتبقي" فكرة" بس أنه يمشي درس من أكبر الدروس اللي ممكن يعلمهالك و هو موجود و أنت مش قادر تشوفة جنبك ... بتبقي فكرة عدم وجودة مميته !!
بس من المؤكد أن مهما حصل هو بيفضل معاك .. الحد دة ممكن يكون صديق (مهما اترفضت من الناس بيفضل هو باقي عليك ) أو زوج/زوجة (وسط كل الظروف الوحشة اللي بتقابلها و ممكن نكران الناس لوجودك و بعدهم عنك بيفضل/بيفضل موجود(ة) ) أو ممكن أب و أم ( رغم بعد الناس و الوحدة هم بيفضلوا باقين عليك وبيفضلوا همهم همك و انت دنيتهم حتي لو سبق و رفضتهم )
الحد دة ممكن يكون حتي الشخص اللي بيشتغل عندك في البيت اللي ممكن ظروفك تزلك و يبيعك كل الناس و يمشوا بس هو بيفضل ... المهم بيبقي في حياة كل واحد فينا الحد دة ... مهما خسرت الخسارة مش بتبقي خسارة علشان بتبقي دايما الخسارة تراب ..جنب انك تفضل محافظ عليه :)
من الأخر الحد دة ما بيتعوضش مهما كانت الخسارة هو أثمن بكتييير من أي حد في الدنيا .. لو لسه مالقتهوش في حياتك دور عليه .. أكيد حتلاقيه :) حتلاقية جنبك و أنت مش حاسس :) بس لازم حتلاقيه ... و لو لقيته أمسك فيه بأديك و سنانك (بس أوعي تعورة ) حافظ عليه أوي علشان دة العملة النادرة في الزمن دة :)
أنا عن نفسي لقيته الحمد الله :) ربنا يحفظها و يخلهالي :)

ليكسرها الكبرياء

تملأها عزة نفس لا  يستطيع  احد ان  يغفلها..و يحيرها دائما حبها ..لا تعرف  كيف يجذبها هذا النوع من  الحب  الذي دائما يتطلب منها ان تخلع عباءة كبريائها
يجذبها بطريقتة لابعد  الحدود ..يجذبها و لا يريد  ان يتنازل  ليشعرها انه يريدها
هي دائماً تقع في اشخاص تملئهم الأنانية ...لتقضي  عليها تاره وتقضي علي كرامتها تارة اخري ...و يتركها الحب ويرحل  بعد  كل  التنازلات 
هي  دائما تعمل  علي انجاح ما  تتمني .. و  لكنها علي يقين ان امنيتها لا تتحقق
لعلها تكسر كبريائها  اكثر أو لا تستعيدة في الاوقات الغير مناسبة ..او  فقط تتوقف عن التمني ..و الانجذاب ..تتوقف عن  الحياه
و يبقي  الحب بداخلها يشعلها نارا و يبقي هو بعيدا يطيع  كبريائه.. و  تمضي  الحياة بين  كبرياء و ترقب و تنازلات لا تأتي  بثمر الأمنية
و تظل هي  تلعن  اليوم  الذي  ولدت فيه  مع كبريائها  

     

       

إن ام تكن حقيقة ..عدمها افضل

للأسف الفرح دة شعور جوانا مالوش دعوة بالمظاهر ..و لا بالشكل
يعني لو ماجاش من جوه مش ممكن يكون حقيقي مهما كان مظهره يكاد يكون من غير و لا غلطة
المظهر مهما كان مُتقن مش حيبقى حقيقي !
المظهر حيفضل كدبة و بس !!
مهما حاولت تلاقي الفرحه و البهجه في حاجات بتلبسها أو بتشتريها لو مافيش فرحة بجد من قلبك الحاجات دي حتبقي سبب وجع أكبر مش حترتاح و لا تطمن و لا حتنبسط بمظهر بالعكس دي ممكن تكون أكبر كدبة بتضحك علي نفسك بيها !! :(

سذاجتك دائما تؤلمك اكثر

علي فكرة اللي بيضايق اي حد مش ان صحابة اللي هو عارف انهم اندال يندلوا معاه !
و لا اللي بيضايق الجدعنة اللي بيقدمها انها تتقابل مثلا بطعنة محترمة من الظهر .. و بردة مش اللي بيفاجئوا انهم مثلا يتكلموا عليه و يخوضوا في سيرتة في حاجات اصلا لا هي حقيقة و لا تخصهم في شئ من بعيد او من قريب !!
الفكرة مش في كل دة خالص ! للاسف يعني ! لان الندل معروف من يومة و اللي بينفسن كرهه باين في عنية و الابتسامة الصفرة بتفضح اكتر ما بتداري !
بس سيبكم من كل دة اللي بيوجع بجد الهبل !! و سلامة النية و اللي بيضايق بحق هو انك تكتشف ان كل اللي حصلك اصلا مش من وحاشة حد .. و لكن من سذاجتك انت و علي فكرة في اللحظة دي بتعرف ان انهم مش السبب مهما عملوا !! لكن انت السبب علشان خليتهم يبقوا فارقين معاااك اوي كدة ... و مهمين في حياتك!! و بيأثروا حتي لو ماكنوش يستهلوا !!
و ساعتها بتكتشف ان حتي الاحاسيس اللي الواحد ممكن يكون فقدها و اللامبالاه اللي في حياتك بتقف عليهم ! و مشاعرك بترجع تتأثر تاني ! بس اصلا خسارة انك لما تيجي تحس تتوجع .. و تتوجع ليييييييه !!!! علي ناس ما تستهلش حتي تعبرهم بكلمة !! و اهو الواحد مابيتعلمش ببلاش !!
و اهي صداقة و اتحسبت ! ماينفعش نندم اللي بنتعلمة اكتر من اللب بنخسرة عامة :) لازم دايما نبقي متفائلين بردة و مهما حصل مانغيرش منهج حياتنا :)

بحمد ربنا ان الناس اللي بكتب ليهم دة مش حيعرفوا اصلا !! لاني رغم زعلي ما اقدرش استحمل وقع كلامي علي مشاعرهم !!! يالا كل واحد و نيتة ! من له أذنان للسمع فليسمع !!

حقا نحن في احتياج

إكتشفت  أن  من الأشياء التي يفتقر إليها الإنسان علي هذه الأرض و الذي يسعى دائما لإجادها في من  حوله  من  بشر .. هو  القبول و  الحب  الغير مشروط !
و  الذي  يجعلني أتساءل دائما  عن  المتشبثين  بأرائهم و مواقفهم  الفكرية  أو حتى  الدينية  ...كيف  يعيشون  هكذا مع  كم  الرفض و  البغض  التي  في  أعماق  هذا  التعصب !!
يجعلني  اتساءل  أيضا  ماذا  سيستفيد و  ما  هو  النفع  الذي  سيعود  عليه  من كل  هذا !!
و  ما هي  الخسارة  في  قبول الآخر ؟؟ هذا لا يقلل من  موقفك  في  شئ !بالعكس  فهو  يعزز  الموقف  بسلوك  قمة  في  الإنسانية !!
لا  استطيع  او  أصف  فرحتي  عندما  يكون  قبولي  للآخرين  سبب  في  فرحتهم :)
و  لا استطيع  أيضا  أن  أنكر عجزي عن ذلك  في بعض  الأوقات  الأخري  فأنا  إنسانة  قد  تصيب و  قد  تخطأ  و  لكن  دائما  أري  انه  لا  يوجد مشكلة  في  عدم  قبولي  الغير مشروط  لبعضهم  .. و لكن  الهدف  دائما  في  العمل  علي  تنمية  و  تطوير  الشخص  لنفسه  و  ان  يشغله  دائما  الامر  كي  يستطيع  ان ينجز  تطورا حقيقيا في نفسة  و ثقة  عالية  في ذاته تسمح  له  بقبول الآخر مع الإيمان الكامل بأن ذلك لا يقلل منه  في شئ :)
   

ارضخ للواقع

في حياتي مشاعر كتير ناقصة او تكاد تكون انعدمت  

مابقتش بحس بالخسارة لما حد بيختفي من حياتي  

و لا بحس بفرحة بوجود حد جديد في حياتي

لا  يزعجني  اقتحام  احدهم  لحياتي  لاني  ببساطة  لا ابالي  لوجودهم من عدمة 
ولا  يربكني  خواء هذة الحياه من البشر
فكل  هذا  سواء ..من جاء يوم  سيرحل ..و  لن استطيع  منعة 
و من  رحل  منها  ربما  ايضا  تكون عودته  هي  النهاية 
لا  احد  يعرف  ماذا  يخبئ  لنا  المستقبل  و  لا احد  يعلم  من  سيقابل  في  الحياه 
ولا من  سيترك  ليكون  الفراق  هو  نصيب لقائهم
فلماذا اتأثر و لماذا علي ان انوح لفراقهم وافرح واتهلل للقائهم
لا  اريد احد ان يلعني لجفائي و لا اريد النصح من السنتكم
كفوا عن الحديث معي  وارضوا  بالواقع الحياتي ...سيكون ذلك  افضل  ..
اقبلوا  بالواقع بدلا من  العيش  في  اوهام 
لا تحصدوا منها  سوي  ألم و حيرة  و  فقط

جبروت قوتة لا يُغلب

احساااس البنت و  الولد  اللي  قرروا  ينسوا همومهم و  ماسكين  ادين  بعض  علي  الكورنيش  ..بيقووا  بعض  و رغم خوفهم  بيطمنوا  بعض.. عمر ما حد حس  بحبهم ..و  عمر ما حد  حس  بفرحهم  

الناس  عايشة  في  ازمات و مشاكل  و يمكن  هما كمان شايلين  الهم مع  اهاليهم ..بس  وسط  كل  المشاكل دي لسة قادرين يلغوها من  تفكيرهم قرروا  يعيشوا حبهم :) قرروا  يبقالهم  هم  مشاكل  تخصهم 

علي  قد ما  منظر الولاد و  البنات اللي حاضنين  بعض  علي  الكورنيش  بيضايق  ناس كتيير اوي  الصراحة  و  بيعصب  البعض  الاخر  ..احيانا لدرجة  ان في بشر بتقوووم  تعمل  افعال كدة  علشان تغير  في  اللي مش عاجبهم  و  اللي بيعملوة  و مش  لادد  علي  تفكيرهم  ..بيفضل  المنظر دة  موجود و  بيفضل  الولد و  البنت ماسكين  ادين  بعض و لا هاممهم  حد  :) و الغريب  في  كدة  بقي انهم  بينسوا   الدنيا  و  بيفتكروا  بس  الفطرة اللي  بتجمعهم !
و  الغريب بقي  مهما  الناس  رفضت  الحب  دة  و ما عجبهاش  مناظرهم  ... تلاقي ان الاقوي  هو  وجودهم  مش  رفض  الناس :)
حتي  لو  كان الحب دة  فيه  خيانة او مش  قوي  او  حتي  الحب  مش  حقيقي  خالص و  كله  خداع  بيفضل  حتي  تمثيلة  اقوي من  رفض  البشر لوجودة !!
غريب  جبروتك  يا حب

غريب  حضنك  يا كورنيش 

و غريب الناس  بتبقي نفسها  تمشي  ايدها  في  ايد  حبيبها  علي  الكورنيش  و  بيبقي  احسااس  مافيش  ذيه  حتي  لو  حبيبها هو  هو  و  الايدين  هم  هم  و  الحب  ما  اتغيرش و  كان  البحر  شاهد  علي  حبهم
حلو  الاحساااس  دة  فيه  طابع  مصري  فريد من  نوعة و  مش  ممكن  يكون  موجود في  اي  حتة  تانية  !
دايما  الجماااال  موجود  بس  طعم  مصر  بيختلف :)   

تساؤلات مشروعة ...جرموها

يستفزونك و لا يردون منك  اي اعتراض و انت  مسكين لا تملك  في يدك  سوي بعض الكلمات فقط  لتكتبها علي بعض  الاوراق  المهلهلة بالقلم  الذي  اوشك  حبرة علي الانتهاء .. محاولا اخراج  بعض  المشاعر و الافكار التي كادت ان تفتك  بك ان  لم  تستطع  ان  تُخرجها و لكن هل  اخراجها  اراحك  ؟؟ ام  مازال  بعد  اخراجها  الكل  يلعنك .. و  يرفضك .. بل  و  احيانا  يكفرك !!
فقد  اعتبروا تفكيرك اصلا شئ  غير مسموح  به من  قبل  الله  الذين  يتكلمون  عنة  دون  ان  يعرفون من  هو  اصلا ..ينسبون  اليه  اعمالا  و  ارادات  بشر  و  افعالهم  و  هم  اصلا  لا  تربطهم  به  علاقة  وطيدة  و  لا شخصية  تجعلهم  يؤكدون  انها  ارادتة  !!
فهل من  الطبيعي  ان  اصدقهم  .. او  هل من  الطبيعي  ان  يكفروني  فقط  لاني  سألت ..؟ و  هل  الله  الذين  يؤمنون  به  قرر  ان  يُدلهم  هم  فقط  عن  ارادتة ؟؟
و  اذا  كان  اراد  ذلك  لم  يخبرهم  بعد  ان من حقيقة خلقه  للبشر  خلقهم  بعقل  يفكرون  به ؟؟  ام  خلق  العقل  هذا  زينة  فقط  لنقتنية  و  نضعة  جانبا  ..و نؤمن  ايمان  اعمي  و  نردد  كلمات  لا نعرف  معناها 
مثل  " و الله " و  " ان  شاء  الله "  و كثيير مثل  هذة  الكلمات  التي و حدها  تكفر ان  فكرتوا  في  تردها  في كل وقت و اي موقف !و كأن  البشر  التي  تؤله  الله  لا  يعرفون ان  من  الممكن  ان  يكون  منطق  الله  مغير و مناهض  لهذا  الفكر  اصلا !! 
و لا  يعرفون  ايضا ان من   الاحسن انهم  يدعون  ان  الله  يرضي  باسأله  الانسان  و  يرحب بها فذلك افضل  عقليا لاي  انسان  ان  يشعر  ان  تسأولاتة  مسمووح  بها و  مقبولة  لدي الله بل و  يسعوا  ايضا ان  يجيبوها  بدل من  الخوف منها !!
لماذا  تخاف من  التساؤلات  ايها  المؤمن  المتدين فقط فكر  فيها  و  الهك  سيجاوبك  ان  كان هذا  ايمانك
لا  تخف  فقط  استخدم  ما  اعطاك لتجدة !
ما  قلتش  حاجة  انا ..دي  بس فكرة  كدة  علي ماقوسم  

محاولة للفهم

رغم  ان  كل  واحد  ما  اتوجدش  في  الدنيا  دي  كدة  لوحدة  و  انه  جة  من  شركة  ابوة و امه  و  ابوة  و  امة  جم  بنفس الطريقة  كدة و علشان  كدة في الدنيا  بقي  فيه  خلات  و  خلان  و  عمام  و  اولاد  عمام  و  اولاد  خلان  و  كل  البرطيطة  دي :) بس في  ناس  كدة  بعد  فترة من  حياتها  بتكتشف  ان  الناس  بقي  قررت  تقطع  كل  الروابط  دي  خالص و  تحطها  علي  جنب  و  تعيش  كينونة  وجودها  لوحها ..فتلاقي  بعد  فترة  مافيش  الروابط  دي .. و  اكتشفت  ان  زمان  كانت  ظاهرة  فرتكة  الروابط  دي  اقل  بكتيير اوي من  دلوقتي .  يمكن  الانسان  بعد مل بقي  عندة فلوس او  قدرات  مختلفة  بقي  بيشعر  ان  الناس  دي  فاكس  اصلا مش  مهمين ؟؟ و  انه يقدر  يعيشها  لوحدة  او  مع  ناس  هو اختارهم  مش  بشر  اتفرضوا  عليه  ..! و  الناس دي  برة  دايرة  السيطرة  اللي  الناس  دول  اخدوها  بموجب  التطور  اللي  حصل  في  انهم  كانوا  موجودين  من  قبل  وجودة ..الحقيقة  لسة  مش  قادرة  اوصل لسبب يخلي  الناس  تعمل  كدة 

بس بستغرب  في  ان  رغم  الروابط  المهلهلة دي  ..و اللي  في  الباطن  اصلا  اتهلهلت  كدة  بارادتهم  .. لما  بيبقي  في  مصيبة  احياتا بتلاقي الروابط دي  بتتجمع  تاني  .. و الغريب  انهم  برضة  بيبقوا مجبرين  علي  تجمعها
و اقدر اقول  ان  في الوقت  دة  بيبقي  المظهر  الخارجي  يتميز  بالزيف لدرجة كبييرة فعلا
تلاقي الاحضان و  القبولات  بقي.....  ايييه ..بالهبل..بس  تسأل  نفسك  الناس دي  مجنونة  و  لا ايه  لما  هم  كدة  اصلا  مبهدلين  بعض  ليه ؟ و  لا  لما  هو  التجمع  حبينة  اوي  كدة  ايه  اللي  فركشهم  عن  بعض !!و  طبعا  في  الغالب مش  بتلاقي  ايجابة  بس ممكن  تلاقي  تفسيرات  ذي  حب كل واحد  للسيطرة  .. او بيزهقوا من  الماسكات  اللي  علي وشوشهم  فيدوووب  بس  يحطوها  كام  ساعة  في مصيبة  و  لا  في  فرحة  بزرغوتين  و  خلاص

بيتفضل  حاجة  بقي ..الناس  اللي  بيقرروا  يعيشوا  لوحدهم  دول  و  يقولوا  خلاص بقي مابدهاش  مصالح و  لا مظاهر  خلينا  في  الحقيقة  و نعيشها  حتي  لو مرة بس افضل ... الناس  دي  فعلا يتخاف منها .. لانها مش حتحن  في يوم  ابدا  لمظاهر  خداعة  .. عارفين  حتي  لو  بتموت مش ممكن  تطلب من  البشر مساعدة  اصلا لانها  ممكن  تموت  بمرض و لا مصيبة  و  لا احتياج  اكراملها  من  انها  تموت  ببصة  شفقة و  لا مساعدة  خادعة مزيفة 
دول دايما  بيبقوا  بشر  عندهم  كرامة  بيقولوا  لا حتي  و  لو  علي  رقابتهم
حتي  لو  اتربوا  في جو  كلة  خضوع  بيفضل  التمرد  منهجهم  في  الحياه 

و كويس  انهم  بيثوروا  و  يرفضوا  الزيف و  البلاستك  اللي في  البشر
و  بيحاولوا  يخلقوا  دنيا  جديدة .. اشبة  بالمدينة  الفاضلة  اللي حلموا بيها