حتته تلج !!

عارفين حتت التلج .. اللي بتقع من اي حاجة بنطلعها من التلاجة !! هي اكيد بيبقي نفسها ماتسحش و تفني و ينتهي وجودها بس بيبقي ما باليد حيلة .. سعات الانسان بيبقي عامل كدة بيقرر انه ما باليد حيلة و بيقرر انه مهما عمل حيفضل في مكانه ! في النهاية المشكلة مش في الدنيا و لا الزمن و لا الظروف !! المشكلة فيه هو انه صدق انه مش حيقدر .. صدق و قرر يستسلم و لو كان قرارة في الاستسلام دة تحول و تغير ماكنش الحال وصل بيه انه يتلاشي و يفني !! :)
الانسان قرارة في ايدة يا يبقي انسان ... يا يقرر يبقي حتة تلجة لا تملك انقاظ نفسها بارادتها .. و تفني !!
في حياتنا بقي كتير بناخد الخطوة و ننقذ نفسنا .. و كتيير بردة بنقرر ان احنا نعيش حياتنا باستسلام !! بس يا تري ايه اللي كان بيغلب في طريقنا ارادتنا و لا استسامنا .. قرارتنا و لا المصير اللي افتكرناه مصيرنا و قررنا نغفل كل ارادة جوانا !!
الحقيقة في حياتي مارست الاتنين عدت عليا اوقات ضعف و اوقات قوة .. بس دايما كنت بقول ان القوة لازم تغلب حتي لو ضعفي في وقت كسرني !
و يا تري اللي حيجوا بعدينا حيقولوا علينا ايه !! حيشفونا اقوية و لا حيشوفوا الخوف كان مالينا و الضعف مسيطر علينا !! بكرة الايام تكتب علينا .. و لحد ما الزمن يكتب ..حنحاول مانتلاشاش ! و لا نفني :) يا تري حنقدر :))..