اصل ما ينفعش يبقي الانسان هو الاعلي من كل البشر اللي يعرفهم فكريا حتي مش حيحس باللذة في الحياة و لا الكفاح و لا الرغبة في انه يكون احسن منهم .. حتبقي عايش حياه منغير منافسة منغير اي محاولات انه يبقي احسن !!
و ماينفعش بردة الانسان يبقي عايش مع كل الناس اللي حوالية اعلي منه .. حيحس اكيد بصغر نفس !! و حيحس دايما انه عامل ذي الانسان العبيط فاتح بقه و متنح قدام ناس بتتكلم و كل شوية بيبهروه بشوية علم ذيادة عندهم .. و لا ثقافة و معرفة !
و لان شايفة ان كل حاجة في الدنيا المعقول فيها حلو ماينفعش اتكلم طووول الوقت و ابقي عالية علي طول و ماينفعش اسكت طوول الوقت و ابقي بستقبل و بس لازم يبقي في توازن .. يعني لازم يبقي في نااس استفيد منهم وناس افيدهم !
انا شايفة ان دة التوازن الطبيعي للحياه :)
No comments:
Post a Comment