عندي شعور ان في حياتنا و اكيد مش بس انا .. ان في بشر كدة موجودين علشان بس يعكننوا عليك حياتك و علشان يوجعوك ان امكنهم يعملوا كدة .. و علي فكرة لو الفرصة جتلهم حيعملوا كدة بكل قوتهم ..الحقيقة الناس دي دلوقتي ما بقتش بتضايقني .. يمكن علشان اتعلمت او علمت نفسي بكل قوتي ان الناس دي ماينفعش يفرقوا معايا ،،لان انا مش بفرق معاهم ،لاني لو كنت بفرق معاهم و بيحبوني اكيد مش حيبقوا حابين انهم يدايقوني و يشفوني حزينة و مجروحة و يكونوا هم السبب ،،الفكرة بقي ان اللي بيضايقني ان في ناس لسة بيضايقوا من الناس دول في حياتهم ، وسعات بيوجعني ان الناس دول قريبين مني و مش ببقي من جوايا قادرة اشوفهم مضايقين و ساكتة !ببقي نفسي امسك الناس اللي بحبهم و ازعقلهم و اقولهم مش لازم يفرق معاكم الناس اللي بتتلزز بجرحكم ! مش حينفع تيجوا علي نفسكم .. مش حينفع تنسوا اللي حصلكم منهم !و مش حينفع تعيشوا و توقفوا حياتكم علي بشر بيمشوا حياتهم علي جراحكم و وجعكم و عايشين مبسوطين وانتوا بتعتنوا و كل فكركم ليهم وهبتوه
بس طبعا مش بقدر اعمل كدة ! لان لا املك دة و في احيان مش بقدر و بصرخ لما الناس دي تبقي عايزاني اتأثر و اوقف حياتي ! بدافع عن حدودي بكل ما املك من قوة و حفضل اعمل كدة الي النهاية
اللي بجد نفسي الناس تفهمة اني مش حضعف و احزن و اضمر حياتي علشان خاطر حد .. و ما حدش يظلب مني اني اكون البنت دي مهما كان ،،و في كل يوم لما الاقي حد عايز يضعفني حقوية و حقوي بيه علشان ربنا اداني الحياه دي و قالي استمتع بيها !! و انا مش حسمح لحد انه يتعس حياتي ابدا لاني حعيشها مرة واحدة مش حسمح لحد انه يخليني اعيش ذي ما هوعايزني اعشها..انا حعيش حياتي ذي ما انا عايزة و ذي ما انا اخترت اعشها
No comments:
Post a Comment