و تبقي الفكر ة غائبة

الحقيقة ان انا ما اعرفش امتي بدأت اكتب ... اه كنت بكتب من زمان بس ما اعرفش امتي تحدييدا !! بس لما قعدت افكر في الفكرة و تطور الموهبة بدأ من امتي و ازاي انا بقيت بكتب !! و هي موهبة و لا حاجة انا اكتسبتها من القراية االكتيير و لا مثلا علشان انا بفكر كتيير و قررت اني دايما اكتب الافكار دي من و انا صغيرة لفكر في راسي كدة ان لو الموت جاني اكيد الناس حيبقوا عايزين يعرفوا مين اللي ماتت دي فحيقروا اللي بكتبوه و دايما في كراساتي الخاصة بخاطب الحد اللي بيقرا علشان مايزهقش و علشان ابقي بدخلة في شرنقتي الخاصة :) بس دي قصة بقي مالهاش علاقة اصلا باللي عايزة اقولة :) ما علينا نرجع بقي لمرجوعنا :)
الموهبة ...اللي لما بقي عندي 20سنة او اقل من كدة حبة قدرت اعرفها و انميها بقراية اكتر و اتجاهات فكرية معينة و قبل كدا كان ...... و لا اي حاجة !!
المهم بعد تفكير و شوية ذكريات كدة افتكرت ان انا كنت بجيب درجات حلوة في التعبي

ر في سن اعدادي و ممكن قبل كدة ... و طبعا ما بالومش امي خالص بس دة فكر تحليلي شوية ... بس انا ماما ما اهتمتش بالموهبة او بالفكرة ان مثلا البنت تعبيرها حلو طيب ممكن تكون بتكتب .. يمكن تكون موهوبة !!
الفكرة ماجتلهاش يمكن ظروف ان مثلا هاممها الماديات و التعليم الاساسي و اكلي و شربي و لبسي ...... طبعا الكلام دة مهم جدا جدا :) بس الفكرة ان موضوع الموهبة دة صعب اوي الطفل يعرفه و دة المفروض يبقي مهمة الاهل !! اللي للاسف هم السبب في ان الابداع يختفي و التطور و الاختراع دة ما يبقاش موجود لان الفكرة اصلا مش موجودة .. لان لو الفكرة موجودة انها تدور علي الموهبة كانت الموضوع حيبقي في بالها لما تلاقي حاجة بتنور .. لمبة فكرة الموهبة اللي بتدور عليها فيا كانت نورت عندها هي كمان .. دي مش مشكلة امي دي مشكلة جيل بأكملة >> او مش جيلها هي بس .. لكن كل الاجيال اللي اصلا انعدمت عندهم الفكرة اصلا او يمكن مشكلة دولة و نظام تعليم :) و دة الرد علي السؤال اللي بيقول ليه الناس مابقتش مبدعة .. ليه ما عندناش عيال بيحولوا يخترعوا .. و ليه ممكن يبقي عندنا مواهب مدفونة تحت كومة تراب :(

انا ما بقولش الكلام دة كلة علشان احكي قصة حياتي !! انا بقول كدة علشان كل ام تدور علي حتة منورة في عيالها و تمسك فيها علشان مافيش في بلدنا نظام تعليمي بيدور علي كدة اصلا !! كانوا اخدوا بلهم من ناس كتيير اكتشفوا مواهبهم بعد العشرين .. و انا مثلا كنت في مدرسة اجنبية فالمفروض ان كان ممكن فرصتي اكتر .. بس بردة ما بلومش علي اي حد لا امي و لا مدرستي انا بلوم علي الثقافة المغيبة في مجتمعنا !!