الستاااااات ... اعوذ رالله !!

مين  اللي  خلي  الناس  يقولوا  علينا  اعوذ  بالله  من  الستات

اصل  اكيد  الرجالة  مابقوش  بيقولوا  علينا  كدة  من  فراغ !اكيد فيه  سر .. بعيدا  عن  ان  الست  و  الراجل مختلفين

و  بعيدا  ان  ممكن  جزء كبيير من  الرجالة  بيقولوا  كدة  ترددا  لكلام  و  السلام ..  كان  بيسمعة  من  ابوة  منغير  مايفكر  بقي  بيقول  ذية :)  و  طلع  الشارع  لقي  حد  بيقول  حاجة  عن  الستات  فبقي  بقولها !!  بس  بردة  اكيد مش  كل  الناس كدة  يعني :)

مين  اللي  خلي  الناس  تقول مثلا  .. "اه مش تقول  ان  اللي  سايقة  واحدة  ست "

او " انا  قولت كدة  بردة  دي  سواقة  واحدة  ست "

كان  الستات  علامة  مسجلة !! مع  ان  بقي  الموضوع مالوش  علاقة  بست  و  راجل  ..  الموضوع  له  علاقة  بالبني  ادم دة  بيعرف  يسوق و  لا  لأ .. يعني  الغلطة  اللي  عملها  .. اذا  كان  كسر  عليك و  لا  غير  حارة  منغير  اشارة.. ممكن  في  بلدنا  يعملها  اي  حد  في  ظل  غياب  تنفيذ  القانون !! بس  الفكرة  ان  لما  بيشوف  ست  بتعمل  كدة  بيظيت :)) و  لو  راجل  اقل  حاجة .. ممكن  يقول  عليه "......."  اي  شتيمة  تيجي  علي  باله :) و طبعا  بقي مش  ححكي  عن  باقي  الموقف :)  حسب  لو  الراجل  حياخدها  علي  نفسة  و  ينزل  يكمله سيييل  الشتايم  اللي حافظها و  لا  حيكبر  دماغه و  يمشي  :)

الفكرة  في  ان  الناس  فعلا  بتتحامل  علي  الست .. ؟ و  احنا مش  ذي ما  بيقولوا ولا  احنا  فعلا  اعوذ  بالله  مننا !! و  ماحدش  بيقدر  يستحملنا

اصل  لو  بفكر  في موضوع  السواقة دة  ما  اكيد  راجل اللي  علمني  و  اكيد الراجل دة  ما  خلنيش  ابقي  تمام  اوي  في  السواقة  و  جاهزة  فعلا  !! فأكيد العيب مش في  الست  العيب  في  راجل قصر في شغلة

طيب  بجد  ليه  الرجالة  بيقولوا  علينا  كدة

يمكن  انا  علشان  بنت  ببص  لكل  حاجة  من  نحيتي  و  من  دماغي و  بصتي  انا  لكل  المواقف !! مش  عارفة

بس  اكيد  فيه  سر :)

يمكن  البنات  مثلا  بيتقال عليهم  زنانييين  علشان  لو  بتكلم  ولد  بتفضل  ترن  عليه  ترن  عليه 60 مرة  مثلا حتي  لو  ما  ردش :) ..  طيب  هو  اكيد مش  اعمي  لما  يشوف  حيكلمك .. و ممكن  يكون مش  قادر  يتكلم  دلوقتي  لما  يعرف  حيرجع  يكلمك من  نفسة !! و  عامة  البنات  دي  عندكم  حق و  الله  يفقعوا  المرارة  اصلا  :) مش  زنانييين  بس :) دة  علي  الاقل ممكن  تشوفيها من  ناحية  انك ماينفعش  تبقي  رامية نفسك  كدة  و مدلوقة :) مش  قصدي تبقي  رخمة  و  تقيلة  تقل  يخنق  بس مش  60 مرة !!!  ارحمييه  .. يرحمك  ربنا :))

طيب  ما  بردة  الست  اللي  طول  اليوم  قاعدة  في  البيت  كدة  بوذها  شبرين ... اكيد  نكادية  عادي  يعني  دي  مش  شتيمة  .. دي  صفة :)) ما  هو  مافيش  اصلا  حد ممكن  يستحمل حد يكون  عايش معاه  و  مكشر طول الوقت و  لا  بتدور  علي  النكد بمنكاش :) افرردي وشك  :) علشان  الدنيا  تحلو :) و  الله هو مش محتاج منك  غير  ابتسامة صغيرة و كلمة  تشجيع  و  حيقلبب  الدنيا  علشان  يرضيكي :)

طبعا  اكيد  في  رجالة  بردة  نكدية  و  بتحب  الغم  ذي  عنيها  و  في  رجالة  زنانة  بردة  عادي :)  بس  انا  بحاول  اتقمص  دور  الراجل  شوية  سيبوني  اعيش :))

يمكن  الرجالة  بتشوفنا  كتير ماتقدرش نعمل حاجات  كتيير .. او  ما  نقدرش  مثلا  ان  احنانعتمد  علي  نفسنا و  لا  نستقل  عنهم :) علشان  في  بنات  بتحب  الولد  يصرف  عليها و كان  الراجل  بجيبة مش  بأي  حاجة  تانية !!  و  علي  فكرة  ممكن  نكون  احنا  السبب  فان  الراجل  لما  يبقي مش  بيشتغل  او  الفلوس  مقصرة  معاه  حبة  يبقي مش  راجل  و  يحس  بالنقص

يعني  ما  ينفعش  تبقي  بتتجوزس  علشان  العربية  و  الشقة  و  حساب  البنك :)  حبيبتي  الحاجات  دي  ممكن  تلاقيها  في وظيفة  في اي  بلد .. لو  بلدك تعبانة  شوية :) بس مش  مهمة  الجواز  و لا  الرجالة :))  

فعزيزي  الرجل  انت  مش  مطلوب منك  تدفع  الحساب  في  الخروجة :) و  لا  تجيب  هدايا  غالية  علشان  تبقي راجل مافيش منك  2 :)

الراجل  من دول  يبقي  نافش  نفسة كدة  و  فاكر  نفسة  المصارع  الاول  في  العالم  و  هو  نازل  مع  البنات  او  مع  بنت  واحدة  و  فاكر  نفسة  بقي  الجامد  اللي  في  الدنيا :) ما  هو يمكن  مستضعفك !! مش عارفه  بس  الفكرة  ان  لو  حس  ان  البنت  اللي  قدامة  دي  مش  "كوكو" و  تقدر  تدافع  عن  نفسها  حتي  لو  بتفكيرها  مش  حيعمل  10 رجالة  في  بعض :) و علي  فكرة  لو عايزة  حد  يحميكي ...ممكن تجيبي  بادي جارد :)

الفكرة  ان  البنات مش كلهم  عارفين  ان  الولد مايهمهوووش  حاجات  كتيير من  اللي  انت  بتفكري  فيها  اصلا :)

و  الولد كماان  ما  يعرفش  ان  البنت  مابيجيش  علي  بالها  اصلا  افكاار  كتتير  اوي  من  اللي  انت  دماغك  شغاله  علشانها  طول  النهار ..  للاسف  انتوا  مختلفين !! و  في  كتيير من  الناس مشكلتها  الحقيقية  اللي مش  حيقدروا  يحلوا  مشاكلهم  غير  بأكتشافها .. هو  ان  انتو مختلفين ....مختلفين  بجد

ماحدش اصلا راضي  يقتنع  بالاختلاف  دة

و  المشكلة  ان  الاقتناع  بالحقيقة  ممكن  يحل  كل مشاكل  الدنيا :))

الحقيقة  اكيد مش  كل  الرجالة فُلة  ولا  كل  الستات  ملايكة ... و  لا  كمان  كل  الرجالة  وحشييين  و  مرعبييين  :) و  مسيطرين  علي  الفاضي  .. و  لا  كل  البنات  زنااانة  و  مادية  و  نكادية  :))

الفكرة  اني  بشر ...  يعني  انا  مثلا  مابحبش  حد  يصنفني  و  يقول  بقي  بنت  ذي  كل  البنات  ..  و  برفض  ان  احنا  نصنف  الولاد .. انهم " كلهم  كدة " ...مافيش  حاجة  اسمها  "كلهم " كل  واحد  و  نفسة  و  شخصيتة ..  كل  واحد  و  تكوينة  و  كينونته

بلاش  بقي موضوع  كلهم  دة :))

اكيد مش كل  الولاد  و  سلوكهم  سببة  بنت  !!  و  اكيد مافيش  العكس  هي مش  قاعدة

ما  اعرفش  الناس ممكن  تشوف كلامي  من  اي منظور !!  بس  انا  حاولت  اكون  حيادية  علي  قد  ما  اقدر :)