رمادي

بستغرب اوي من ان الناس ترفض افصاحي عن حاجات موجودة لبشاعتها !!يعني مش مشكلة تكون الحاجة البشعة موجودة و بتُرعي في الدنيا لكن مشكلة ان انا اقول انها موجودة !!

بستغرب بجد لما بشوف الناس مش مضايقة من قولي للحقيقة و كمان بتأيدني بس تقولي حطي جزمة في بوقك و اسكتي علشان انا خايف (ة) عليكي من الحقيقة دي اللي عمالة تكشفي عنها الستارة .. مع اني ممكن ماكنش بعمل كدة اوي بس قررت اتكلم !!
في حين ان الحقيقة دي ممكن يكون سلوك او معتقد او اتجاه اجتماعي يتبع من بعض البشر !!

بستغرب لما حد اصلا بيقولي ما تعمليش كذا اي كانت الحاجة دي اية و هو بيعملها اصلا معايا في نفس ذات اللحظة اللي بيطلبني بعدم فعلها !! بحس ان ايه الحول دة :) !!

و بكرة بقي المسميات !! يعني بكرة اللون الرمادي مثلا ما هو يا ابيض يا اسود !! و ما بحبش حد يجي يقولي اصل دي كدبة بيضة .. اصل دي ماتعتبرش نميمة .. ما تعتبرش اي حاجة بمسمياتها !! امال تعتبر ايه و ليه ربط اعتبرها بالكلمة الاصلية !! تفتكر اللي خلاك تقول كذا ما يعتبرش كذا .. دة معناه ان في اتصال بين الحدثين او تشابة !! و لا عادي ؟؟ !!

كفاية تناقد يا بشر تعبتوني !! نزلوني بقي من ام الكوكب دة !