عارفين لما حد مثلا يطلع برج القاهرة و مايكونش طلعة قبل كدة ؟؟ بيبقي عايز يبص علي القاهرة من كل حتة من فوق و كانه ما شافهاش قبل كدة ... مع انه غطسان جوة زحمتها
بس هو بيشوفها من منظور جديد ... أنا بقي عاجبني المنظور الرجولي للدنيا فقررت أعيش جواه شوية و الحقيقة ان أنا مستمتعة بقدر كبييير من الموضوع دة
الفكرة ان كل يوم بتعاطف. مع الراجل أكتر
يعني ايه الرجالة كل يوم بيقابلوا فينا أمراااض نفسية تكفييي مستشفيات البلد كلها لو بقت كلها للأمراض النفسية و مش عايزنهم يطاءوا
مش فاهمة ايه المشكلة لو قال ان فلانة دي شكلها حلو
أيييييه جريمة ؟؟!! حبيبتي هو قاال فلانة حلوة .. ماقالش انك وحشة
حلاوتها مش حتاثر في حلاوتك في حاجة
عادي يعني ما أكيد انت في أحلي منك و أنا في أحلي مني و عادي بس الفكرة في التفرد ..!
بعني مثلا أنا فيا حاجة مش موجودة في بنات و ستااات مصر كللها و لا العالم كمان
أنا مؤمنة. بكدة !! و علي فكرة لو شايفة نفسك مش حلوة حتي لو كنت '' مارلين مونرو'' عمرك ما حتعجبية !! فخلينا نتفق ان جمالها لا ينقص من جمالك في شيء خالص :)) لأن فكري فيها كدة ... انت بتشوفي تامر حسني و احمد عز و توم كروز زي القمر ... دة أكيد مش بياثر علي حلاوة حبيبك أو جوزك في عينك و لا بتأثر في رجولتة :)) شوفتي بقي الموضوع من النحيتيين :)) انت بتقوليله ما ينفعش انك تغير من اني بحبهم و بحب اشوفهم :) و في رأي اللي بيعمل كدة و يهزة اعجابك بيهم !! بيبقي عندة نقص .. بس لازم نطبق الموضوع من النحيتين :))
فمش حينفع تقوليله ايه النقص دة ... و انت اصلا بتهدي الدنيا علي دماغة بسبب النقص اللي جواكي !!
و علي فكرة هو مش بيعمل كدة علي سبيل اهانتك ولا اي حاجة هو بيعبر عن حاجة يعني حسها :) و مش معني كدة انه سيبك و باصص في حتة تانية !! او عيب !! دة مش تحرش !! هو لم يؤذيها يعني !!
طيب حاجة كمان قوليلي انت عايزة ليه بقي الراجل يبقي بيقوم بدور واحدة صاحبتك؟ تقعدي تنمي معاااه و تحكي عن فلانة و علي علانة و الموقف الفلاني و الحدث اللي حصل مع فلانة !! او بلاش كدة هو مالة بقي باللون الفلاني اللي هو اصلا ممكن مايكونش عارف تعريفة يعني :)) و تشرحيلة الفستان مكشكش من فوق و واسع من تحت و نازل علي شكل مش عارف ايه :)) هو بيتخنق !! الاا لو طلب ده يبقي شي زيادة كدة من عندة كتر الف خيرة يا سيتي :)) ساعتها احكي بس بردة ما ترغيييش !!! هو بيقولك كدة علشان يقرب المسافات و يديكي مساحة انك تعيشي براحتك .. بس ان كان حبيبك عسل ماتلحسوش كله :) بلاش تخليه يلعن اليوم اللي سألك علي حاجة فيه :) خليه يحب انك اتكلمتي و مايزهقش :) خلي عندك حاجة شايلاها ماتقوليهاش :) صدقيني بعد كدة حيبقي حابب يسالك و يسمعك علشان عارف انك بتقولي اللي مايخليهوش يملّ :))
الراجل مش بيفكر ذي حضرتك !! خاااالص لمعلوماتك لو ماكنتيش تعرفي و لو كنت تعرفي و بتتعملي علي انك مش واخدة بالك احب اقولك بتعملي اكبر غلطة في حياتك :)
يعني حضرتك مثلا هو في حاجات كدة مش بيحبوا يحكوا فيها :) ذي ما انت ممكن مايلدش عليكي الكلام علي الكورة و الشغل ( و خصوصا لو هو خريج هندسة ) تلاقية بقي بيتكلم في مكينات معقدة و عمليات اكثر تعقيدا .. او مثلا تلاقيه بيتكلم علي العربيات و المتسكلات :) انت عامة مش بتسطلنفي الكلام دة و هو المكياج و الالوان و الشنط و ال اكسيسوريز :) مش بيحبوا اللك الكتيير فيها :) و لا النم علي البنات مثلا :) ف يا اما انتوا لو في علاقة بتشتغلوا علي نفسكوا انكوا عارفين اختلافات بعض :) و انت ممكن لو بتحبية اوي تحاولي تفهمي كلامة و تتعايشوا :) بس ما تنفخوش علي بعض !! المفروض انكوا تبسطوا بعض :) مش العكس :)
طبعا الكلام دة للولاد و البنات كل واحد من نحيتة :))
في بقي حاجة كدة مهمة اوي :) لو البنت ما عرفتهاش بتبقي بتزن علي خراب عشها :) المعروف عن الولد انه بيهتم بالعمل و المكن و التكنيك بتاع الاجهزة و ما شابه ذلك .. ما ينفعش خاااالص .. تقوليلوه " انت ما عرفتش تعمل كذا " " انت خربت الحاجة الفلانية " " انت مابتعرفش تعمل كذا " او مثلا تفكرية بحاجة فتقوليله " فاكر انت ما عرفتش تعمل كذا " هو انت عادي مش بيبقي قصدك حاجة خالللص :)) عادي انا عارفة :) بس هو مش بيسمعها ذي ما بتقوليها :) هو الجمل اللي قلتها دي كلهاا بيسمعها حاجة واحدة فقط لا غير " انت فاشل " و دي الكلمة الوحيدة اللي لا يقبلها الراجل بتركبتة الرجوليه :)
ممكن تقوليلة مثلا عملتها حلو بس كان فيها مشكلة فلانية :) اصل بوصي لو حاجة بيظة في البيت ماتقعديش تقوليله حتخربها :) هي كدة كدة خربانة :) فسبية يعيش يعني ويدعبس فيها براحتة .. لو صلحها يبقي تمام لو ما صلحهاش ماهيهي كانت بايظة :) عادي ما اتنازلتيش خااالص :) بس مش عايزاكي تغفلي ابدا واقع كلامك عليه :) بتفكيرة هو :)
مش تفكيرك انت .. ذي مثلا ما لما البنت بتبقي قرفانة و بتشكيلك هي نفسها بس انك تسمعها !! انت بتاخدها علي نفسك انها بترميلك مسؤلية فممكن تقولها " وانا حقطع نفسي يعني ؟؟" مع انها اصلا بس عايزة تتكلم ! يعني الموضوع كلة :) هي مش بترمي عليك مسؤلية و مش قصدها تقولك انك فاشل :) بس انت لازم تراعي دة ! يعني لو الناس عايزة اصلا تنجح اي علاقة !!
في بقي ظاهرة كدة انتشر التقليس عليها علي الفيسبوك و حتي زمان كنت بسمع المقولة دي " الست المصرية ما بتقلش لجوزها خد حاجة إلا كيس الزبالة " هو في المجمل يعني اكيد هي مش بس بتقول كدة !! بس صراحة لما افكر فيها كدة كموقف انا مش ممكن اقول لجوزي في المستقبل كدة !! ما عتقتش يعني ان لو دي اخر جملة يسمعها علي الباب حيبقي حابب يرجع البيت !!
بس بعيدا عن فكري .. ممكن البواب يقوم بالمهمة دي و لو الناس معندهمش بواب .. المفترض ان الراجل دة بيفهم و ان الست و الراجل في بنهم حديث مشترك بيفهموا بعض .. او الاغلب بردة ان في بديهية .. ليه الست بتفترض ان الراجل غبي و لازم تأكد علية انه ياخد الكيس في حين ان عندة عين و عندة عقل يفكر ان الكيس دة مكانة مش هنا فياخدة معاه !
و بعيدا عن كل الافتراضات دي هو انت كتعة ؟ ماتنزلية انت يعني !!
ماعلينا اصل الموقف دة تاعبني حابة !!!
في حتة بقي مشتركة الصراحة !! مش قادرة اسكت و مش قادرة اقولها من جانب واحد ..الاهتماام ..مش قصدي ان الولد و البنت يهتموا بنفسهم !! خااالص :) !لان المفترض دة شرط قائم ,, لانها علاقة هات و خد .. ماينفعش تبقي من طرف واحد .. بس اللي اقصدة من الاهتمام ..ان كل واحد يهتم بنفسة !!
ماينفعش خااااالص ماتبقيش مهتمة بنفسك !! مش علشانة ..لا..علشاانك !! صدقيني الموضوع دة بيفرق جوااكي قبل ما بيفرق علشانة !!
و الولد كماان لازم يهتم بنفسة .. ايوة .. ما تقولش و انا ليه اهتم يعني انا راجل !! لا اهتم انت كمان مش علشانها بس .. لا علشانك !!
حهتم بنفسي علشاني و علشانة !! علشان الراجل ماينفعش ابدا يلاقيني رحتي طبيييخ ! اه تعبانة و شقيانة و العيااال :)) بس انت اتجوزتي و عارفة انك حتخلفي و مش معني ان في عيااال يعني تنسي ابو العيااال :))
هو لازم يقدر تعبك انا معاكي !! لكن انت لازم تقدري تقديرة ليكي :))
بوصوا من الاخر ..دة منهج حياة و تفكيير ..يعني لو عايزة تراعي الناس كلها او تفكري في سلوكهم كلهم مش بس الراجل و الست المرتبطين !!
لا في الحياه عمووما !!
دي وجه نظر او رصد يومي لحاجات بتحصل في حياتنا اليومية !! انا مش بطلب من اي حد يبقي معايا و لا ضدي انا مجرد بطرح حقيقة !!فقط لا غيير ..اتمني تكون الكلمات دي حقيقة ظهرت في عيون ناس كتيير ماكنوش شايفنها !!و اتمني لو ناس قروا الكلام دة و فاهمين اللي بقولوا اكون اكدت بصورة كويسة علي معلومة جواهم :)) !
بس كدة كفاية :)!
No comments:
Post a Comment