بس لما يبقي الحد الواحد الوحيد دة ... هو الحد اللي علشان كم غلاوتة في قلبك و مكانة اللي اخدة و الدنيا ادتهالة هو اكتر واحد جرحك و وجعك في الدنيا كلها .. دة اكبر محك ممكن الانسان يتحط فية في حياتة !! و رغم رغبتة الشديدة فانه يسامح و
ينسي و يرجع زي زمان و يعالج الشرخ اللي حصلهم .. إلا ان الواقع و الذاكرة هنا بيبقوا بيلعبوا اكبر عدو ليك في حياتك و بيفكروك دايما باللي حصل و اللي خلي كل ما ذاكرتك تشتغل .. تحس بغصة حزن مؤلمة جواك .. و تعرف ان اللي انكسر مش سهل انه يتصلح .. محتاج خطوات كتير منك و منه .. مع انك اصلا جرحك شلك !! و مثبتك مكانك !! و رغم كل اللي بتحسة .. الحب اللي جواك ناحية الشخص دة بيخليك تيجي علي نفسك و تعاملة احسن ما يكون و مع كل ابتسامة من قلبك بتهديهالة قلبك بيوجعك اكتر و بيفضل حبه و معزتة الشديدة دي هي العدو الحقيقي في معركتك معاه
No comments:
Post a Comment