بفكر في مقولة " الكحكة في يد اليتيم عجبة "
الصراحة الواحد لازم يعترف ان موت ابوه اثر فيه .. و علمة حاجات كتير اوي منها طبعا ان في ناس كدة بتبقي حشرة مناخرها في اي حاجة .. حتي ممكن يوصل انهم بيبقوا عايزين يعرفوا احنا اكلنا كوسة و لا بسلة :D:D المشكلة بقي ان دايما بيبقي في جملة كدة قبل اي وصف بيتنسبلنا :)) رغم ان ابوها ميت بس هي محترمة و امها عرفت تربيها ... دة علي اساس مثلا ان الراجل بيحط ايدة في التربية اساس ؟؟؟ او مثلا جملة تانية ... اصلها عملت "كذا ..كذا " و تبقي حاجة غلط .. و يروحوا ضايفين بعدها اصل ابوها كان ميت !! اصل ابوها مات !! مش فاهمة و الله ايه علاقة الراجل ب اللي انا بعملة .. دة حتي مات و شبع موت بتنبشوا في سيرتة ليه ؟؟ و ليه الواحد اي حاجة يعملها تتنسبلة !! مع اني مسؤلة عن نفسي و تصرفاتي
و يا سلام بقي لو الواحد بقي ربنا بعتلة حد كويس و دة طبعا يكاد يكون معدوم .. بس لو دة حصل و انت في ساعة صفا كدة قولتي " ياريت ابويا كان عايش " يقولك ما تحمدي ربنا ما الناس كويسة معاكي :)) و الله يا بشر مش بتبطر علي النعمة دي امنية :) عادي الواحد يتمني .. هي الاماني دلوقتي حرموها و لا ايه ؟؟ عادي ما ممكن تقولي نفسي اشتري بنطلون جديد مش بطر علي النعمة اللي عندي بس امنية !! و انا مش بتمنة حاجة قليلة !! كنت بتمني يكون موجود علشان بس الفران تدخل جحرها .. و اللي عامل فيها راجل يشوف حجمة الحقيقي .. و اللي شايف نفسة ممكن يتحكم فينا يعرف انه لسة ما اتخلقش :)) عادي امنية
معلش بقي نكدت عليكم بس اصل بقالي 12 سنة و اكتر عايشة في اللي بحكيلكم فيه دة :)) ربنا يرحمنا احنا اولي من امواتنا
No comments:
Post a Comment